識我的朋友都知我鍾意食韓國料理，炸雞店開到成巷成市，點可以唔去走番轉呀？！
今晚我又約了我個韓國腳出來食飯，選址達人包車。呢度因炸雞同特長bbq串而聞名！餐廳都幾大，可以選擇在戶外或室內坐，因為當日都幾大風，我們就揀反室內坐。
呢度幾乎所以侍應生都是韓國人，都好彩有一兩個香港人幫手點下菜，不過真是有幾個韓國型男在，韓妹也十分標緻，可以說是滿足了我視覺上的享受！
哈，講返餐廳，裝修韓feel就不在話下啦，而且每一張枱上都掛住一個勾，用來吊起那足足一米長的巨型bbq串，超過癮的說！
不過，不食豬肉的我就無叫到那bbq來食。除了bbq串，其他選擇也蠻多的，好像有部隊鍋啦，年糕鍋啦，近期最興的炸雞啦，石鍋飯等統統都可以在達人包車呢度食到！
食物未到之前，可以食住小食先。餐廳會供應醃蘿蔔和粟米和泡菜給食客，而且還是無限潻食的！那泡菜酸度和辣度剛好，而且爽甜非常，好好吃喔！和平時食到的差太遠了！我們不斷的refill，恐有5次吧😂真是食泡菜都食到飽了！
說時遲那時快，清湯年糕鍋已經送到面前了！材料好豐富呀！有煮蛋、素餃、有大京蔥、香菇、口、黃芽蔔、芽菜、魚糕、年糕和萬惡之原拉麵😈！食完肯定肥爆和水腫，但我就是抗拒不了😢
其實呢，我和友人都愛食韓式醬，只是又怕太辣，你知啦，韓國菜辣起上來真是食到唔單止條舌頭失去知覺，簡直連個腦都會麻痺的！所以我們就叫了清湯，再要求了一些醬汁，等我們自己加進湯內，咁就又可以食到好味的醬，又開洗驚辣得太過啦！係咪好醒呢？😁
呢度限時每桌90分鐘，不過上菜都算快，而我們只有兩條友，所以時間上都好鬆動下。
好似呢個年糕鍋咁，材料基本上都熟的，翻熱一下好快就食得。
年糕份量頗多，口感非常煙韌，質感一流，加了醬之後，還有點像韓國街頭吃到的呢！好食！記得年糕和拉麵要快食，否則煮久了會糊，糊了就無咁好食ka!蛋是煮蛋，沒甚麼特別，魚糕都ok,小小彈牙，味道挺好的。
吃韓食，較熱氣，嘆番杯柚子特飲就最fit了，好飲又清熱。
兩個人吃唔到好多款，老實說，叫兩個菜已經飽到講唔到嘢！
有好多不同味道的炸雞和焗雞可以選擇，唸左好耐，都是揀左穩穩陣陣的蜜糖烤雞。金黃色的雞件，望見已經流曬口水！
雞件每件都細細件，雞髀亦比平時食的細隻，相信是好年輕下的雞。所以肉質亦較嫩，連雞胸位都好好食。而且皮香脆香脆的，更加齒頰留香！
蜜糖味都好特別，同平時bbq食到的那種味道好唔同，但食得出係好蜜糖下，有點像我那蜜糖面霜的味道潻！
伴碟的薯角都唔好錯過呀，炸得外脆內軟，再沾着蜜糖同吃，也格外好吃喔！
達人包車 Dalin Pocha:
尖沙咀金巴利道79-81號
|
