上次同朋友來呢間食左個duck n waffles,好食之餘，當下見到個朋友食緊個龍蝦仔牛角包亦都好吸引下喎，一直念念不忘。人就係咁，得一想二，不過當時我個肚唔容許我吃埋，唯有下次。
So,here i am .again~~~
一打開餐單，發現多左款式，不過，其他嘢我無理會，因為，我個心是向着牛角包的！
想當年我還在讀書時，已經好鍾意食牛角包了！每天都是它，就是吃不嫌！
不過，會口渴😂來杯我的最愛，latte,今次叫了double shot,咖啡的濃度提高了，相對酸度也略為增加了，口感尚順滑，咖啡很香，不過原來double shot對我來說還是苦了點，下次還是來正常的好了~
呢款又龍蝦又布丁又蒜蓉包的，原來就是其中一款新菜式，都唔平，好似268咁上下一碟，不過，選用的是原隻龍蝦，自然又唔同。
我個牛角包一出場，我忍唔住“嘩“一聲，再展現一個滿意的笑容，因為真是好靚仔呀！金黃色的外觀，那大如手臂的珍寶份量，再加上牛角包面上每一條深淺的間隔，就是發酵得非常棒的證明，而且那小麥的香氣徐徐而至，令人不禁精神為之一振，頓時想吞左佢落肚呀！
不過，淑女丫嘛！個包又咁多餡，一啖又真是咬唔曬�H！哈，其實我有試過想一啖咬落去，但我個口竟然唔夠濶，好笑吧😆咁唯有用刀啦，一切落去，“沙“一聲，就是那種非常鬆化，而且展現出每一層都好薄好薄下那種，果然，牛角包一入口，那鬆軟真不是說笑的，幾多出名的麵包店也吃不到這口感呢？！當時我所以忍唔住問下店員，個牛角包係自製定攞貨？
原來呢度自己有麵包工場，唔怪之得個包正到無朋友啦！
配埋個龍蝦仔，爽甜的肉質，鬆化的包，滋味的醬汁，整件事perfet!
連陪碟的炸薯條都金黃金黃，炸得熱呼呼的，配那松露菌醬，好夾，連薯條都好似頓時多了分貴氣咁潻！
The Pudding Nouveau (大坑)
地址 : 大坑京街17A地下
|
