好吃的東西總是想一嚐再嚐的！見到呢隻龍蝦頭就知我今晚又來The captain house食好嘢！
可能我超鍾意食海鮮，而呢度又係主打海鮮，所以我們可說是一拍即合呢！
食海鮮�H時候，多汁又多殼，餐廳好細心咁為每一枱的食客都準備了即用即棄的圍巾，仲印左餐廳個得意local ，着上身都好型ka,就算麻甩佬用都唔會怕尷尬�H！而且仲有一把好鋒利下的剪刀，用來剪蟹殼超方便。而食完的殼又可以放入桶內，斯文好多。
餐單上選擇都好多，不過呢度最出名係海鮮包！所以係必食推介來的，基本上每一枱都會有一個，今次仲新出了喇沙湯底，我當然要試下啦！😁
先來點頭盤開開胃先！Soft Taco fish是墨西哥菜，初初都驚墨西哥菜會太辣，我們這些辣椒初哥未必攪得佢掂。問左原來唔會太辣，醬汁是另上的，只要避開最辣嗰款醬汁，其實個魚係唔辣的，咁我們就叫了來食喇~
個魚出來之後，咀我想像的好唔同，可能是我上次來都有食魚有關，有小小先入為主吧？上次食到的是原條焗，而今次都是魚，但變左炸魚，各有特色。
第二個印象是：非常色彩繽紛呢！估開到以魚為主題都可以咁colorful喎！
雖然我唔鍾意食生蕃茄，不過加了蕃茄和菜絲同薄餅底，又的確可以將炸魚的油膩感大大減低。同時又可以大大增加菜式的口感上的層次，都幾有想頭吖！
再配以三種不同的醬汁，出來的風味立刻有不同，好像那青色的，就有點像印度菜的綠色醬，微辛帶苦；紅色的是甜酸味重的醬；而白色的則是酸奶酪醬。
Lychee martini 個樣係就係平凡點囉，無引人入勝的裝飾，不過勝在荔枝味頗重，而且入口順喉，好適合女孩子飲的酒。
主角隆重登場！今次的Seafood platter 有長腳蟹腳、帶子和翡翠螺with laksa sauce~
呀，每次見到呢個波波都好開心�H啫，令人有種好想快點篤穿佢的感覺！
另外會有一籃子的脆包包奉上，可以就咁食或者沾喇沙醬同食，一樣好滋味。尤其個包外脆內軟同埋本身已經有小小香草味。
一打開個波波，個陣香氣一湧而出，認真唔係講笑，香到痺呀！睇睇唔怪之得咁香啦！原來材料勁豐富，有長腳蟹啦，帆立貝啦，仲有翡翠螺，而用來煮湯底的都用料十足呀！有大量粟米啦，仲好甜下的，有原隻連皮小薯仔啦，仲有德國腸潻！咁大堆頭又咁足料，唔香才奇呢！
呢個籃最受歡迎的地方是，除了海鮮讚之外，連配料都好好食。即是好似一套好的電影，主角一個人演得好係唔夠的，連配角都演得出色，咁成部戲先會好睇。而呢個籃就做得到喇！
海鮮在喇沙微辣的醬汁下，顯得格外鮮甜，翡翠螺和帆立貝都彈牙有至，好味好味~😍
我個friend一口氣食左4個迷你薯仔，就知掂當啦！
我就喜歡喇沙沾麵包了！吸收曬醬的麵包格外有刺激感，脆脆地更好吃！
Lobster Pasta也是我推介的菜式。用原隻龍蝦拆肉，配以茄味香濃的souce,呢個配搭一向穩陣又好吃！
單睇賣相已經覺得夠曬霸氣啦！蝦頭多膏鮮味，龍蝦肉爽口彈牙，啖啖鮮繃活跳的口感，真不愧為蝦中之霸，肉質就是不一樣呢！
The captain house:
尖沙咀厚福街8號H8 18樓
|
