在日式放題的瘋狂熱潮下， 其中有一間越開越多分店 ，愈開愈高檔次， 依然每一晚都爆場的，就是大喜屋系列！作為粉絲的我當然每一間都有留低“腳毛“啦！ 新開張的＜殿 大喜屋＞ 是現在為止最高級的 ！朋友說 他未去過大喜屋系列， 我當然立即帶他去食好嘢啦！ 想不到訂位也蠻容易的，能預訂到一星期後的座位。從前都只能預訂到一個月後的位子呢！
殿 大喜屋 大致上分為兩個時段 ，第一個時段是六點鐘開始 ，第二個時段是八點四十五分開始， 每次用餐時間大約是兩小時。送餐的速度算快，所以絕對夠時間食大家可以放心~
除了餐點之外，在大堂也設有自助區，款式是否每日不同就不得而知，不過當日款式都多。有咖哩炒蟹，件頭都算大，而且咖哩不會太辣又夠惹味。
呢款刺身都是要排隊才拿得兩件咁大把�H！究竟是甚麼魚咁巴閉？
我個朋友話是大眼雞啦！咁大隻眼！其實是名貴的金目鯛喔！放題竟然有如此上品的魚食，大喜屋果真不是講玩笑的！
至於粉紅粉紅的，就是吞拿魚的拖羅了，那色澤係咪引死人呢？原本唔係幾食吞拿魚的我，都忍不住要食佢落肚喇！肉質嫩滑而且香氣十足油花又夠，食過好難唔番尋味囉！(≧∇≦)
仲有風乾火腿呀，我無食到，不過睇見啲朋友火速秒殺了一碟，應該也不錯呢！
連長腳蟹都有，簡直好似食緊buffet囉！不過~長腳蟹就咸左啲了，而且肉質有點鬆散，不過不失罷了。
刺身方面，款式都好齊全，有甜蝦特大超級甜嗰隻，有紅噹噹吞拿魚，有唔算好肥美的三文魚，有迷你到爆48頭鮑魚，彈牙爽口倒不錯！有唔係幾新鮮仲有點腥的象拔蚌。
赤身吞拿魚看起來都幾靚仔，不過食完拖羅之後食佢自然覺得差好遠啦！
壽司完全吸引嗰隻，首先是金箔三文魚壽司，再來黑魚籽油金魚，外加海胆甜蝦壽司，件件鮮甜，件件飽肚，真是食壽司食到飽！個人覺得甜蝦最好食。
火灸三文魚腩油花堅多，肉質經過了火，變得非常嫩滑，超好食！蟹棒壽司是真蟹腳，還連住小小殼，食起來超鮮味，無得彈！至於鵝肝和牛壽司，小小的一件鵝肝令整個口腔香逸，配牛肉味道好夾，不過牛肉還是血淋淋的，如果熟啲會好好多囉！
呢個海胆軍艦超甘香，完全將海胆的黏、甘、甜發揮到淋漓盡致，食到我忍不住瞇起了眼睛好好享受一番！我們經過了每人一粒小試牛刀之後，大碟大碟地叫來食！
天婦羅水準ok,大倒也是皮薄餡靚，大蝦爽脆蕃薯夠甜心。
熟食方面，我們也點了超多款來食，單是牛類已經不小！牛舌燒得很香又惹味，薄薄挺彈牙的口感令人滿意！
熟食來說個人推介牛仔骨！醃得好夠味不會太咸而且輕輕一咬已經可以嚙開啲肉，大家都覺得好食！
呢款牛柳就差得遠，我們點了6件，點知來左6份，原來每份有三件呢！不太好食還有點韌還要食三件，真是……有如雞肋。
食完正餐，就是生果甜點時間啦！你看顏色分明，
該紅的紅該綠的綠，就知好食夠甜啦！
足足有兩大個雪櫃的甜品櫃，陣容認真不說得笑！
款式大大話話超過十款！ 有馬卡龍、、燉奶啦 、有奶凍、有啫喱、 有芝士餅 ，又有西餅之類的， 多到數不完。
朋友立刻說她 下次要帶他的姨甥女來， 因為小朋友見到一個甜品櫃一定好興奮！ 不要說小朋友啦我見到都o曬嘴樂丫丫啦！
甜品還有雪糕環節， 雪糕是哈根大師， 而且是獨立一杯杯裝的， 正常貨裝的份量， 而且是隨便攞任食任拎！ 有朱古力味和藍莓味任君選擇！
現場還有寫字服務，將你想要的文字寫低，就可以請他們為你用朱古力寫好，再放上一個朱古力波波。最適合有朋友生日或慶祝紀念日啦！
手字都唔差喔！
contact me:
電郵地址：[email protected]
follow my instagram:http://instagram.com/shadowccheung
歡迎加入fanpage :https://www.facebook.com/Shadowcblog
follow my openrice:shadowcblog
|
