身為白羊老公
白羊老公一向出晒大男人主義，而且仲自私到死，呢ｄ事基本上係冇可能發生響佢身上，如果一旦畀佢知道你響出面狐假虎威，仲要攪到一鑊泡，佢一定第一個行出來指住你來鬧，仲同你斷絕關係添！
身為金牛老公
金牛老公係個好傳統的星座，佢會好好保護自己個老婆，萬一不幸發生類似事件佢會好頭痛，雖然話佢依然會盡全力去保護你，但係講到尾佢始終係一個好講原則的星座，犯法佢唔係咁接受，雖然佢貪錢！
身為雙子老公
唔好意思，嫁得畀雙子座的女人都一定認命，呢位老公天生有ｄｄ冷漠，而且唔係咁同你講義氣，最慘係可能你未畀人揭之前佢已經因為糊里糊塗先響出面攪出個大頭佛，所以基本上佢係唔會畀另一半拖累！
身為巨蟹老公
哼！可能巨蟹老金會畀到一個假象大家以為佢呢位好好先生係最易畀另一半拖累，咁諗就大錯特錯！其實巨蟹老公係隱性大男人，佢唔鍾意自己個女人響出面攪呢樣攪果樣，另外再加上巨蟹獨有的自我保護功能，到時佢未必會幫你！
身為獅子老公
呢個就唔同！獅子老公係畀老婆連累的高危份子，點解呢？首先係因為佢會盡全力畀幸福過老婆，你話鍾意乜佢咪由你攪乜，就算一旦東窗事發，佢都會覺得其他人係唔應該夾埋你蝦你，所以話獅子老公∼死梗！
身為處女老公
基本上處女老公係鍾意同你分享著數多過同你共患難，除非成件事佢參與度好高，避無可避的情況底下佢就會勉強出手幫你，如果唔係佢都係會傾向你自己攪返掂佢，而且咪怪佢反面冇情咪扯佢落水！
身為天秤老公
呢款老公較為軟弱，雖然響佢內心係有一個公平的秤，不過就算係咁，佢耳仔軟同優柔寡斷的性格，只要你嗲下佢囉嗦下佢，為了保住男人保護女人的形象，佢死死氣都係會全心全意幫你擋住，係另一個高危人士！
身為天蠍老公
講到天蠍老公，就真係好睇佢到底有幾愛你同你響佢心目中的份量，如果佢勁愛你，就算你攪到幾大鑊要佢同成個世界的人為敵，佢都死而無悔；但係如果你中間有背叛佢之心，哼！你就咪怪佢冷漠無情喎！所以天蠍老公要睇情況！
身為人馬老公
對唔住！呢位老公係好講道德同社會和諧，如果你唔係做出犯法的事都或者有商有量，一旦你做出呢ｄ事！哼！隨時就係佢行出來舉你，大義滅親！所以同得呢個老公一齊記得打醒十二分精神呀！
身為山羊老公
至於山羊老公呢，就要睇下咩事，你知啦，呢位老友出晒名為達到目的不擇手段，講到拖累基本上就冇乜可能，反而佢會利用呢個機會拎返ｄ著數添！有機會五花大綁你遊街示眾，順便拎返ｄ政治籌碼！
身為水瓶老公
如果數正義感呢，水瓶老公同人馬老公都不相伯仲，不過講到態度呢，就有ｄ唔同，人馬老公會大義滅親，而水瓶老公就較傾向會要你「自己的事自己攪掂佢」，要佢參與其中基本上係冇可能，要佢幫忙亦都係！慳返啖氣啦！
身為雙魚老公
真係要數邊個最高危畀另一半拖累，就一定非雙魚老公莫屬，就算佢覺得你呢次有幾錯同有幾麻煩，佢都唔係咁識得say no，響拍拖階段已經係咁，更何況結埋婚，所以要講12星座老公，認住佢啦 ！
分類: 未分類 |
