其實唔洗你地提我，我知道自己游緊魂架
不過我就係想游魂
三魂唔見咗七魄，可以咩都唔理
不過就會令到身邊嘅人對我好失望
琴日派咗數學卷
我見到自己果個分數，忽然覺得自己好唔應該
由幼稚園學數學到果一刻之前，數學成績從來冇試過低過9字頭
我望到隔離個同學份卷，更加覺得失望、傷心
我錯嘅題目，佢竟然全部都攞到滿分
自己竟然會有一日會犯d錯咁低b嘅錯，真係抵死 呵呵：-（
果一刻，真係有想喊嘅衝動
我甚至feel到d眼水係眼眶到轉下轉下咁＞_＜
即刻去咗洗手間，去咗好耐
原來凍真係會令人冷靜
一出班房，d風就系咁吹來，但係我就完全唔覺得凍
我係洗手盆前面，開住水嚨
睇d水不停咁流出來，似乎可以用自來水代替淚水
唔知過咗幾耐，冇咗想喊嘅衝動，手都凍到僵硬化
機械式咁抹幹手返班房
返到班房老師仲問我點解，我冇答
好彩老師冇追問——。
放學之後，我係2C等人
等等下，變咗我留堂，由4：05留到6：05，足足兩粒鐘
我竟然咩都冇做過，冇默書、冇做工作紙、冇寫實用文冇……
我追問到中文聆聽嘅分數——又係一個打擊
其實都好吖，一日承受嗮所有打擊，唔洗分兩次，有心裏預備嘅時間
其實我唔好唔甘心、唔憤氣，但系我冇力去追返喇
算啦，就咁啦，渾渾噩噩咁過埋咪算囉
何必令自己咁攰？
今日下晝開始要補習喇。。希望自己可以加油
|
