今日同Ｃａｒｍｅｎ返學校去訂書，本身約埋Ａｍｙ同Ｃａｌｌｙ架，點不知Ａｍｙ又遲到喎，所以我地兩個咪唔等佢地，走先囉∼Ａｍｙ又用佢的理由叫我地等佢，我地鬼理佢！！永遠都係咁，下次咪鬼叫佢，今次又話唔見左張書單，要去搵喎！！Ｃａｒｍｅｎ一句就話「如果佢有心呀，就尋晚去搵啦！！駛今日咁去搵咩！」嘩！！果然勁，講出我地心聲，佩服佩服。其實我都預左佢會遲到架啦，每次提佢都係咁，同佢相處成年，有邊一次約佢，佢唔係遲到的？？去博物館、圖書館、水運會、去我屋企玩、做Ｐｒｏｊｅｃｔ等等呢的野，邊樣佢唔係遲到，遲１、２分鐘我都忍，但係佢一遲就５、６分鐘，都唔明Ｃａｌｌｙ日日都等佢返學，唉∼佢等人就唔得，人等佢就得，咩理由？！其實我罵佢呢樣野已經唔係第一次架，次次人地做唔到的野都罵人係豬，我都唔知俾佢罵左幾多次，你知我份人架啦，佢罵我，我肯定罵番佢，唉∼下年真係唔好同佢一班，佢真係好惡頂呀！！
之後１：００ｐｍ我就去左粉嶺名都Ｍ記開會，我地開左１個鐘頭就返歸，今次只係講左個的反思報告呀，去邊到參觀呀，排板點做呀咁囉∼之後就返歸啦∼∼
唉，夏日炎炎，罵人都罵得勁過人，Ａ米，當你睇到呢篇日記個陣，我估你又係講呢句『白痴的，又關我事？！』，希望你原諒我啦∼唉∼
| 
呀Po令令日曆
！!留個言啦！!
2005 年 7 月 20 日 星期三
開...開...會（3） ．．．
