一講到馬油，大家就第一時間諗到好潤！
一直以為，我會覺得馬油的產品係得hand cream，
直至之前招幕試用，我至知馬油都有洗頭水∼（實在太無知了）
或者馬油響日本好hit，但香港都好似冇咩自家出品的馬油∼可能香港馬比較少，哈∼∼
為左馬油洗頭水，我就上網再了解一下：
1. 何謂馬油?
馬油(horse oil)，是採取馬的脂肪所製成的油。源自於中國古代應用於中醫藥方中，在中國的古籍"本草綱目"及"黃帝內經"中就記載馬油(馬脂,馬膏)的作用。
2. 馬油的成份和特質?
馬油(horse oil)的特質是由於它的成份，據研究分析，馬脂肪與其他牛、羊、豬等動物脂肪相比有熔點低、碘值高、油酸甘油脂、亞油酸甘油脂、維生素A、維生素E含量高的特點。馬油的高度不飽和脂肪酸含有率高達60% - 65%，最高時可達80%,而其中有15%-20%是亞油酸及亞麻油酸。通常一些深海魚類脂肪含有許多不飽和脂肪酸，但含量仍不及馬油。
雖然我地女仔聽到個「油」字就怕怕，不過就馬油就一定唔洗驚∼∼∼
今次我試用舒妃馬油添加毛髮滋養調理系列，有一支洗頭水同兩盒護理膠囊！
＞＞＞洗頭水＜＜＜
由於我天生都好易有頭皮屑，而且好易頭痕∼
所以呢隻洗頭水我唔可以日日用，只可以隔幾天用一次∼
日常既話，我都係要用返脫頭皮屑既洗頭水至得∼
同埋單用的話，其實都唔算好潤，洗完頭，我都覺得頭髮有ｄ罕罕地。
＞＞＞護理膠囊＜＜＜
我有朝早洗頭既習慣，洗完頭至化妝，再出門口，其實化好妝，個頭都未乾晒架∼
所以我袋左護理膠囊返工，返到工個頭就乾喇∼
靜雞雞帶一粒去洗手間，
方便！易用！就咁扭兩扭就可以擠左佢出黎，完全唔需要出動較剪，唔需要出動大力！
然後耐心地按摩下個頭，特別髮尾∼
而且ｄ精華唔會痴左響膠囊，一定可以用晒ｄ護理精華∼
用完洗手都唔洗搽hand cream，頭髮即時順滑左！
不過我就覺得味道大左小小∼
用洗手液洗完手都仲有強烈的味道，不過陣味係香既∼∼
近來已試用左唔同護髮產品，真係幾開心，
因為我一直都冇注重頭髮的健康，總覺得頭髮傷左咪剪囉，
但其實頭髮又乾又罕又開叉，可能排你後面果位朋友見到會覺得好肉酸囉！
親身見證∼以下例子絕對係真人真事：
- 我男友尋日幫我染髮，佢話你個頭梳落去順左好多，但佢唔知我試緊舒妃馬油添加毛髮滋養調理系列，我即刻同佢講，因為近來試緊洗頭水，佢話真係唔錯！！
- 今朝早返教會時，我好姊妹發現我染左個頭，佢話點解你染完個頭頭髮仲咁令？哈哈，我只好回佢：近來用緊支二百幾蚊洗頭水呀！
係頭頂ｄ頭髮飛起左ｄ囉（＞ｏ＜）∼∼∼
要靚，都係唔好懶，由頭靚到落尾好ｄ！！
|
