尋晚就bbq........今日有乜節目呢....尋日己訂左今日當幫舅父女兒紫亭慶祝生日....所以又成大班人去左銅鑼灣newway度唱k

朝早一起身就準備出海lo......^^其實(1:30pm)~~首先第1站係上環間商務換書...原來阿芬買左本重複ga書唔記得叫乜名lo.....之後本來諗住過尖咀打機........但佢地唔制就唯有係上環行下...未行過呢頭...之後行行下又去左大家樂食high-tea.....坐係對面個阿叔成日對住阿東(2家姐男友)笑口..仲邊笑邊講野..但聽唔到佢講乜...令人覺得好鬼異.......快快手食完即閃人....

之後行左石板街....嘩呢度真係一級一級咁...好得意呀!!!!而且幾靚下最後係最頂度影左d相....之後就by mtr去左深水埗幫大家姐買nds....跟住就返銅鑼灣同其他人會合啦!!!!到左果度仲差佢舅父一家人未到........但我地怕星期六太多人去到冇房又要等..所以芬、靜、東再加米我就提意先行去拿房.......但好「魚」呀...點知我地4個作左迷路的小綿羊....終於搵到間newway時...舅一家人己到駛...hahahhaha

上到房阿東就即刻問人拿wi-fi玩...真係大細佬.....我女友唔駛講就梗係霸住支mic唱k啦......估唔到舅父都幾勁下大部份歌佢都識唱.....而舅父就係咁出出入入咁幫我地拿野食.....我只知d甜品食左不知幾碟......hahahha最後玩野唱粵曲....唱到超搞笑「帝女花」......最後女友因為要趕住返去拿key聽日開早..所以我同佢行先.........但「魚」人事件又再次發生.......唉!!!!!我地到達馬頭時.....其他人竟然一早企駛係度..原來佢地遲過我地走但就係唔知邊度有得搭巴士直去馬頭...但我同女友就要行去搭mtr..仲要又貴又慢過佢地..頂..........唉都唔知今日點解咁「魚」~~~~其實呢2日我都過得好開心...多謝老婆靜~