唔知各位有冇俾人當係水魚咁劏過呢.......我就試過啦............

呢件事發生在今年4月26日.....我同女友加埋個好友唐生去左銅鑼灣記利佐治街2-10號銅鑼灣地帶173舖叫「邦士珠寶鐘錶控股有限公司」..........呢間舖頭係阿唐個好友開ga.......咁我諗住買番隻錶第時出來工作都好睇d呀....所以就係阿唐ga介紹下去左呢間黑店.......睇左幾隻錶...都冇寫明幾錢.........問親佢都話會計平d.....老友介紹咁算數啦......係佢地不斷遊說下......買左隻瑞士Perpetual R502M機械表個外形都幾好睇.....但一開價要成$4300度.....嘩咁叉貴咁係唔要啦.....於是個夥計就係咁問老闆....佢地係米你老友呀......老闆話係......於是個夥計開始按計算機......那最平$2600......我見平左咁多......於是就買左.......而我女友見我買錶佢又話睇中左隻百色表帶有d閃石圍住個錶面的錶...........一計都要成$1300...但之後又不斷遊說話另一隻係用乜鋯石做的錶會好d........比較下又真係好睇d....但就要補多$400....咁即係齊頭$1700.........一心諗住買到心頭號........點知惡夢開始

先講我自己果隻所謂瑞士機械錶...........買左番來唔夠5日就發現其中一支的秒針竟然行出左佢行個範圍.....(隻錶有3個細圈...其中2個得半圈係秒針....分為1-30秒同另一個30-60秒..........當其中一支秒針行到30秒..就會返番原位另一支60秒果支就會行)......令到成隻錶都唔行即刻係果晚就打俾阿唐叉佢..........有乜搞錯呀隻錶買番來唔夠5日就壞左...係米假野來ga......之後阿唐就話幫我拿番去換過隻俾我....但係今日我先收到.....都唔知會唔會又壞過....一於等我check真d.........

跟住到我女友果隻........佢帶番公司咁啱有個客人來買衫......而且個客又係做鐘錶ga......於是俾隻錶佢睇......佢一睇就話你隻錶買左幾錢....我女友話$1700.........果條友一聽就話你俾人呃左啦........呢隻錶$900已經有........唔係呀我仲要係熟人介紹「熟人介紹...呢d米叫作唔熟唔食囉」聽完把鬼火.....於是趁放假我同女友去左潮流特區睇.........真係見到一模一樣都只係買$1030.......嘩仆佢個街呀...........計多我地成$670.....咁擺到明當我地係水魚ja........又打俾阿唐....同佢傾........但之後得來個答覆係「冇計.....旺角果班人頂爛巿.....而且佢地租平......咁平有可能係假野......唔信我可以俾張入貨單你睇...證明我地真係冇收多你地」............一齊都係你講ja....我鬼信咩................但冇謂同老友唐反面........就當係永世保養....而至於我自己果隻實質賣到幾錢就真係唔知.....暫時未搵到其他鋪有呢隻錶....但應該都係......唉唉....有乜事我都實返去吵佢.............個位千奇唔好在搵熟人帶去買野啦..........「熟人介紹...唔熟唔食囉」