懶左好耐都冇再打日記.....每當想打時唔係入唔到網就係打打下冇駛mood所以冇繼續打落去所以冇

都偷左懶咁耐係時候打番d出來啦keekee

今日係一個大日子.......會考放榜.....想當年....係呢一日....表哥就係前一晚來左我屋企陪我.....佢話驚我訓唔著而且咁耐冇見有大把野同我講.....其實我都冇話緊唔緊張個會考.....因為我由頭到尾都冇乜溫過書...日日係父母面前就話會俾心機去讀..但一返入房.....hehe米又係打機....因為我果時而認定讀咁多書冇乜用...又係因為某人ga關係------->表哥.......係中三前我都係俾足十二分心機去死讀書....盡力去做到最好.......「你讀咁多書都冇乜用ga啦,你睇下讀左出來,中文對你有乜用,數學呢........」總總幫我分析駛......表哥由認識到依家都可以算係我半個偶像.......因為樣樣野佢都做到好好....係所有親戚公認ga精英......每次阿爸阿媽罵我時都會話....如果我學到表哥一半就好啦......所以當偶像同我分析過駛所有野時...我仲唔信駛佢咩....haha或者會有人覺得我傻.....但冇計我就係一個咁ga家庭裡出世....由細到大....我著ga衫用ga書差唔多都係佢俾ga....haha所以我已俾佢影響住........

表哥一來到我屋企第一樣野要做乜......男仔梗係打機啦.......我記得果時仲玩緊拳皇98.......無論我玩得幾叻都好都係會輸俾表哥....真係唔扺...到左夜晚2點...之後同表哥一齊去左新港城接阿媽收工.......返到屋企沖涼.....之後就一齊訓.....我地傾左好耐.....佢問我有冇緊張......我一點都冇...因為連表哥d咁厲害ga人都係會考只考到15分.......我又算d乜....更何況我d咁ga人.....傾下傾下不知不覺我就訓左啦...........

第2日一早就返到學校........見到所有同學都好緊張...但我一點感覺都冇......係入hall時......剛巧都係表哥大學收唔收ga日子...佢拿住份明報....係度睇緊.....仲緊張過我幾百倍.....一頁一頁咁過去....突然一句....「乜都冇呀」...原來冇一間大學收佢......佢打俾d同學問佢地.......跟住得來一個好搞笑ga說話「你唔係買左明報呀...明報明報明年再報....成報成報一定升到」我聽完真係o駛咀

好到我拿成績時啦......一接過....出乎意料....有8分.........考天才都得..haha係同學之中我都係排得唔係太低....Ms Wong一遞俾我就話記得丫 repeat.....心諗妳都傻ga....5年來係一間地獄學校受折磨仲唔夠呀.....仲repeat呀....係呢間學校我真係連一點快樂都未試過......除左係球埸上ga比較.....最後同幾個朋友吹水......佢地各各都係度問我會點做.........我都話唔知呀....見到d女同學係度哭...我真係覺得好笑........有冇好哭呀.....怪只怪你地冇溫書ja.....平時ga勁都係廢ga.....扺死得把口....

今日打俾女友問佢考幾多....出乎意料.......再打俾其他朋友.....都差唔多.....好彩佢地都冇哭ja....如果唔係我都唔知係安慰佢好定點..........

至於我呢???????????我都唔知..........