既然近排d人都打日記話唔捨得乜呢d咁傷感ge野,,等我都傷感下先.
今日係同班同學最後一日係呢個課室上堂.
早讀堂戈陣大家走晒去練電腦,,得返我同lam lam&邦仔三個.
望住個空蕩蕩ge課室,,諗返起超多野.
第一段同八婆坐,,記得戈陣同佢冇乜兩句,,後尾因為隻GG雞搞到兩個熟咗.
記得戈陣同奶媽開始有d交流,,仲創辦咗我偉大ge馬騮國.
記得校運會戈陣失落ge心情,,雖然而家已經淡忘咗.
記得體育節拔河比賽戈陣每個人付出ge心血.
記得戈陣時一贏咗成班女仔係到喊ge情景.
記得啊靚仲話連美術室都聽到我地班ge人係到嗌"一,,二".
記得第二段戈陣同man姐坐,,無可否認佢為人係有點兒變態.
但係都記得佢比咗好多歡笑我.
記得有次佢飲醉酒問我可唔可以做佢女朋友- -
記得成班一齊打邊爐戈日,,low菜食咗唔知幾碗烏冬.
自己飲咗唔知幾多枝啤酒(當然冇醉到),,小瑩唔知影咗幾多張相.
記得係戈晚發生咗d野添0.0d比較好ge fd都知乜事.
記得第二段考試比miss話心散-3-被佢逼努力.
記得同lam lam一齊用膠刷刷個壁報刷到夜晚8點幾比個啊姨鬧.
記得第三段同字跡超似我ge鴨仔坐.
記得佢有咩罰抄就同我講"分頭行事"- -識q佢a.
記得係戈陣開始同佢&邦仔熟,,亦都係戈陣開始屈邦仔請食野-v-
記得戈陣成日同邦仔&sk2講埋d似淫非淫ge話題.
記得軍訓時同班室友瘋顛ge一切.
記得同軟乃乃&小藝一齊沖涼戈陣,,同小藝著住個bra係間房到hea戈陣.
記得軟乃乃夜晚去廁所比個臭婆娘衝入去收電筒戈陣.
記得同小藝係中午唔訓覺傾心事ge戈段時間.
記得laughing好...ge笑聲,,記得軟乃乃笑得好喪ge樣.
記得自己成個傻婆咁攞住枝蚊怕水係咁係到來回係咁係到噴.
記得軟乃乃同小藝為咗借風筒係咁拍墻戈陣.
記得一到食飯戈陣成台女ge懶係嚴肅ge樣.
記得戈到好淡類似茶ge東東.
記得有次入去男仔房戈陣邦仔著到好啊伯ge裝束.
記得聯歡晚會戈日幾條傻婆係台上邊跳邊唱教官ge飲歌"熱情的沙漠".
記得臨走時小肥張仲食緊餅乾個樣,,記得鴨仔自己邊喊邊叫人唔好喊個傻樣.
記得感恩節班會戈陣carman同man姐好催淚ge講話.
記得第四段開始,,man姐學晒張鴻d超厚面皮ge野.
記得derek戈句"一定係底褲到",,記得鴨仔唔帶眼鏡ge靚仔樣.
記得藝術節班會自己上台講唔夠十五分鐘就講完ge囧況.
記得瘋哥搬個起大ge勞作返黎,,但係後尾都攞唔到獎.
記得個個上台講自己呢兩年ge收穫,,記得瘋哥ge坦白.
記得自己終於知道自己原來已經接受咗lam lam.
記得每次小測同邦仔一齊同流合污戈陣.
記得啊john好正經咁做d好gag ge行為.
望住sk2張枱隔離條柱痴住ge戈舊寫住"不畏難"ge東東.
上面寫著"難為能為,,難捨能捨",,發現原來初二我地經歷咗咁多.
成班友仔放親學都係到捉棋,,係到聽歌,,唔到六點唔叫清場就賴死唔走-3-
好懷念戈陣時呢,,雖然有點兒扯火,,但係都幾好玩.
升到初三唔知中午仲有冇機會見到成班麻甩佬係課室後面食飯兼捉棋.
唔知仲有冇機會屈邦仔請食野,,唔知仲可唔可以聽a嘉同埋老野d gag.
唔知仲聽唔聽到物理黃爛到飛起ge歇後語.
唔知下年會唔會係eva教我地英文,,唔知下年我會唔會又受到佢ge寵愛.
唔知下年睇跳舞比賽戈陣仲可唔可以四條友再一齊喪笑.
唔知下年我呢個經常出cat ge班長仲有冇機會做班長.
好多個記得,,亦都好多個唔知.
但係我永遠會記得我曾經係呢個咁搞笑ge班ge一分子.
[ 
