好長時間都冇上黎啦，唔知點解，總係覺得打blog愈黎愈冇意義，不過今次都打下啦…… 再唔打真係好驚qooza delete 咗我個BLOG ! 今日派咗Biology test… 真係… 好差好差，我真係好想知點解會咁樣~ 我真係唔敢面對miss hung牙~ 好樣衰好樣衰 !
有人話::上帝關你一道門總會開返隻窗比你既? 點解佢唔開隻窗比我?我真係好耐都冇合格過啦Bio~ 試問自己都有溫書，雖然冇做到題目，但係我自問溫個時都明白 D 內容，但係真係好想知道點解一做test就乜都唔識… 我應該點算好呀? 我仲可以做D乜野?! 心灰又意冷 ! 唔通真係要drop? 但係我真係唔Drop 得lol 原因有幾個既…
第一個原因 : 係因為我宜家係文理商，如果 drop 咗就冇晒selling point
第二個原因 : 點都有科理科睇落去好似好D咁
第三個原因 : ３Ｘ 如果入大學一定會有着數
第四個原因 : 我其實好中2 Bio !
第五個原因 : 我 F.3 讀得咁辛苦都係為咗入Bio; 宜家先唔讀真係好浪費
第六個原因 : 我為 Bio 用咗咁多時間，宜家先Drop 就姐係前功盡廢
最後一個原因，亦係最重要既原因…
我既夢想系 Biology 係必需既一科，冇咗Biology 其實即使全部 ５** 都冇用!
我都知可能係我自己未盡晒努力，不過我想講我覺得自己真係好蠢，人地次次上堂唔專心都可以高分過我 ! 佢地未溫晒書去考都高分過我 ! 我真係好想好想知道點解 ! 我真係有諗過要補習，但係我都知我真係浪費得爸媽太多錢啦~ 我就咁計一計我每個月補習既 $$ 就等於一個part time 清潔工一個月既人工; 等於係最低工資實施後一個工人每日做足 24 個鐘，一星期做足 5 日既收入 ! 如果再補埋Bio… 姐係要做多 3 日每日都要做 24 個鐘咁多~ (姐係total 要做一個星期 7 日每日做足24 個鐘...)
我諗諗下… 我真係認為自己唔應該出現係呢個世界上，唔應該黎到呢到浪費爸媽既錢 !
我…… 到底應該點樣做?
Sophia 上
16-03-2011
|
