睇完一集又一集既「盛女愛作戰」，我真係覺得我得着咗好多，我認為我同BONNIE 好似，好鍾意講野，好豪好放咁講野，大笑唔理儀態，好似好樂觀，係我世界只有快樂咁。但每每見到男仔既時候又會覺得好唔自在。面對朋友，面對自己，面對男仔，都有唔同既我。我曾經覺得咁只係因為我生活係女校太耐，失去咗同異性相處既感覺。但係我終於發覺我既呢堆面具其實只因為我冇自信。每一日考完試我都覺得自己做得好差，好難去面對，但同時又期待有奇蹟既發生。我的確係一個好矛盾既人。當自己一個人既時候，我終會好灰好灰好灰咁諗一D令自己唔開心既事，成績?我既成就?我既未來??? 腦海入面既問號一個個既咁浮出黎，係灰黑色既背景襯托下，得出既結論總係淚水。但係當同朋友一齊既時候，就好似所有既唔開心都冇晒咁，就只係想同人地分享好多好多，開開心心咁傾計，那怕係苦水定係好好笑既野，都想同人地講。
我從來都冇諗過會嫁唔出，但係呢套綜藝真人SHOW 令我開始諗呢個問題，究竟我直腸直肚癲癲傻傻既性格係唔係真係唔受歡迎既呢?我好介意人地點睇我，因為我好想見到真正既自己。我好想變靚，好想變成一個「受歡迎」既中心人物，好想知我一直以黎既待人方式係唔係正確…… 仲有半年就18既我，希望我能夠係我成年前搵到自己，搵到一個屬於SOPHIA既SOPHIA，搵到一個唔會為迎合而失去自我，能夠「做自己」，但同時能夠符合別人喜愛既SOPHIA=)
對於五位「盛女」既睇法:
SUKI:
呢TYPE 女仔真係好受男仔女仔既歡迎! 其實真係唔知點解要參加呢個 SHOW，不過都係要CONGRAT! 因為你搵到新一份感情，搵到相愛既人。
MANDY:
老實講我真係唔係咁鍾意呢個女主角，堅係進取扮野型。Anyway，佩服你參加節目既勇氣。
GOBBY:
同情你既遭遇，希望你同女兒會幸福快樂咁過日子，唔好咁冇自信!! 我知呢句說話係我個口講出黎好冇說服力。BUT!!
Trust me! You deserve a better one as you are tough enough!!
BONNIE:
我同你真係好似… 一齊改啦! 仲有時間既~ 你經呢個節目已經進步咗好多嫁啦!! 仲有呀! 你既自白真係令我好感動，有感動流淚!!
FLORENCE:
我最初真係睇到好憫!!! 點解你會咁執着? 內在美係緊要，但的確，冇外在美既協助，係好難令男仔去發掘你既內在美。不過睇多幾集，我發現你最大既問題係走唔出過去既陰霾。你好相信緣份，但係即使邱彼特已經用箭將你同白馬王子聯埋，但係如果你唔將你已經上鎖既心釋放出黎，緣份之箭又會起到咩野作用呢?加上，你用直覺去判斷mr.right，但係你又有冇諗過表面其實未必等同內在? 好似你咁，外表係40+ 既女士，但心裏仲住咗個小女孩，如果唔係電視迫我發現，我都唔會留意到。同你相睇既人，因為冇人迫你去發現佢地既內心世界，所以你個個都會睇唔上眼。可能你仍期待一見鍾情既「他」，期盼公主與王子童話式既遇見。身處現實至極既社會多年，仍保留小孩既純真係好難得，但過份且不符合現實既純真，其實只係天真…又或姐係…「低能」。寧缺勿濫可能係你既格言，但係記住「等，寂寞到夜深，夜已漸荒涼，夜已漸昏暗，莫道你在選擇人，人亦能選擇你」。 |
