萬眾期待o既 "花都渡假之旅"+摘 strawberry
YEAH ~ YEAH ~ YEAH ~ 去玩 lu ~~~
今日我晨早八點就起左身 "更身" 喇, 務求以最佳狀態影相......Hee....Hee....
涓涓姐姐帶埋KIKI, 二姑帶埋BB, 伯娘帶埋 "我的" , 三隻小狗一齊去渡假, 哈~我o地屋企o既狗仔好幸福架, 年年都有得跟我o地去渡假架
今日玩得好開心丫~~~摘 strawberry 時老豆幫我影相, 大 姑仲幫我o地拍埋 movie 添喎, 睇下我屋企人o既 "架撐" 幾齊全, 好 pro 架
到左 "鴻波山莊" 食完 lunch 後, 我o地就事不宜遲地去玩喇~~~
我玩左好多嘢呀, 玩左 bowling, snooker, 壁 ball, 連table tennis 都玩埋添喎 (唔駛錢嘛, 點都玩啦)
哈哈 ~~~ 我, 涓涓姐姐同君君哥哥三個玩到唔捨得走, 唔係d 大人嗌食飯, 我o地仲 "砌" 緊丫(最衰唔夠時間咋, 唔係仲可以 swimming and play tennis 添播)
玩到我成身汗, 不過咁都幾好呀, 有得玩, 又可以做下運動出下汗, 當減肥嘛.......
食完 dinner 後, d 大人去左放煙花, 我唔敢放煙花所以就番左房洗白白兼睇電視喇~!
原本好累架, 十一點o靚就想訓喇我, 但難得咁耐都無同涓涓姐姐傾計, 所以.........俾佢捉住我傾計傾到三點幾先訓.....訓覺期間, 佢個仔 (KIKI小狗) 成晚係到玩 "彈弓床" 咁, 搞到我訓得唔好......
 |
