|
好開心呀.......plan 左咁耐, 終於可以同班 "野" 去食飯喇~!
今晚去左 "天天火鍋" 食........ 68蚊位任食, 可以打邊邊又可以 BBQ喎.......簡直係一次過滿足哂我兩個願望呀 ~~~
好采 South 醒目者, 約左d 人七點半, 但 book 左八點o既台 ~~~
因為芬要番澳門車埋華基同英再黎車我, 所以我o地過左八點先到, 但估唔到班 "野" 今次會早到囉, 奇蹟呀簡直~!!!
雖然我 book 左 12 人台, 但因為永傑聽日要番早, 去唔到, 阿豹又唔肯過 Tapai 喎 (搞到果隻阿銘又唔去).......
所以得雞, 大頭, 華基, 歐佬, 阿賓, 英, 芬同我去食者.....
哈哈......唔知係米少左阿豹o既關係呢 ?~! 我覺得班 "野" 食得斯文左, 無我預期中咁狂野, 因為阿豹不嬲都興六碟六碟肥牛咁上架嘛.........
原本我仲期待佢o地可以破 "德興" 果次o既紀錄添......睇黎少左阿豹戰鬥力減弱左唔少丫~~~
食完飯後, 本身唸住去玩架, 但搵唔到人去, 而我又番左澳門啦喎
於是送完華基後, 我, 英 & 芬就去左 "康樂館" 食糖水喇~~~
其間經過 "永樂" 同 "渣渣泉", 先發覺自己真係好耐無係澳門活動過喇
記得以前班 "野" 仲渣電單車時, 我o地耐唔耐就遊車河去食 "雞絲翅" 同飲糖水咁o既...Hee....
阿雞星期日走喇, 希望係佢走之前, 可以去芬度燒烤就好喇....
 |
