話說屋企o既工人平日有3 大喜好

1. 當我正處於熟睡時, 佢就最中意用拖把玩 "敲擊樂" 架喇, 真係心血少d, 都俾佢嚇死, 訓訓下成張床曉震 : 我完全有理由懷疑佢祖籍 "山東" ---- 因為 every time 佢做清潔o既時候, 都實會嘈醒我, 無一例外. 有時我甚至懷疑佢根本上就係黎拆屋o既. 好采佢一個星期黎一次者..... 唔係我實俾佢搞到有 "睡覺被害狂想症" 啦....
2. 佢好喜歡係我屋企度砌 "Logo" : 唔知點解, 我屋企得兩個人住, 地方已經非常咁寬敞架啦, 但佢好中意將d 嘢疊疊埋, 總知俾佢執過o既嘢, 都實要 "番箱又倒櫃" 咁先搵得番. 唉....執到間屋咁 "吉" 都唔知佢為乜.......如果 "宜家家私" 請人o既話, 我一定會推薦佢去做o既.....點解?~! 因為 "宜家" hard sell "save area" 呀嘛, 岩哂佢~!
3. 每次只要係佢過, 都一定有 "跡" 可尋, 因為佢個人無乜手尾, 但又好喜砌 "Logo" , 唔知係米佢太投入咁砌o既關係, 所以 every time 佢清潔過o既地方, 都會黎個大換位, e.g. 明明張 chair 係部電視前面, 但經佢處置後, chair 竟然會出現係張床隔離.....又 e.g. 上星期, 我竟然發現支 "碧麗珠" 會係個音響上面, 而廚房o既門櫃全部都未關好囉.......唉.......蓮姐, 我知你有黎過喇, 齋聽你o既 "敲擊樂" 就知啦.....唔駛再留証物係度喎~~~