今朝晨咁早就起身準備去拜山喇~
不過老豆訓晏左, 所以迫住我係4個字內要刷牙, 洗面, 帶 con, 換衫兼食早餐
哈哈......好采平時 South 係學校 "訓練有素" 者.....4 個字內搞掂?! So What ?! 一d 都難唔到我, 哇哈哈哈哈哈~~~
今日o既天氣怪怪地咁o既, 時晴時雨, 仲莫明地悶熱...... 想熱死我咩.....
拜完山, 我o地就去左 "華威達" 食飯喇....
Oooo~估唔到 "華威達" d 嘢都幾好食果喎......哈哈.....唔知係米我係學校無啖好食o既關係呢....所以食乜都覺得好食... 好幸福丫~
食完飯番到屋企, 本身唸住唔訓去行街架嘛.....點知....我....Hee....又訓著左喎....仲要訓到屋企人黎哂先起身.....
(其實都係老豆衰之嘛, 又話起身搵埋我去行街, 點知自己走左出去又無叫我, 哼~~雖然佢話有叫過我, 係我唔理佢, 繼續訓~! 但我潛意識中佢根本無叫過我o既~!!! )
哈哈哈~~~South 就黎變豬喇.....一訓醒又係時候去食飯喇....
夜晚出左廣州食飯....好好味呀d 嘢食......
好采屋企唔係個個星期都出去食者....唔係South 實變做豬豬都似囉...HeeHee....
食完飯去左伯娘度坐左陣, 姐夫就開車送我番學校喇.....
今個 weekend 過得真係充實o既者
連我個肚都食得好充實, 哇哈哈哈哈哈哈 ~~~
|
