某朋友生日既派對，由於本人長期被迫負責做發起人，所以今次我決定要好好滿足自已，地點定為對一班朋友都偏遠既銅鑼灣金雀餐廳，稍為對我有點了解都知我超 鍾意花樣年華同王家衛每一套電影，所以我咁遲先尼呢度朝聖都真係幾對唔住自己，但係有心唔怕遲終於一償心願都好開心，最後當然要影返幾張相留念啦！

自從呢間餐廳拍攝過花樣年華同2046之後，基本上呢樣野已經成為佢地既第一賣點，其次就係佢地懷舊既佈置同氣氛，當然食物都唔會差得去邊啦！但係講到食就真係各人口味都唔同，本人就非常滿意我果份鐵板黑淑牛扒五成熟啦！至於其他人九個有七個都係食全餐，因為相對鐵板係較平又多野食不過塊牛扒就唔夠我塊好食，因為係全熟既關係口感就一定差D啦！

希望再有機會尼，下次要著成套老西加有美女相伴先得！