天氣持續凍Ｑ死人，無論出街定留在家中，我牛仔褲之下就係一條西褲。
之前係xanga睇左篇令皮膚好既文章，每日起身之後咩都唔好食同飲，然後第一時間整杯熱檸水飲咁就能改善你既腸胃，而表面既幫助就係令你既皮膚好啦！時間大約係你堅持兩個星期後就會有幫助，皮膚得到改善之後就唔需要繼續呢個習慣。
我唔記得維持左幾耐，皮膚有無改善呢？好似又無咩，我既皮膚一向好差，所以肉眼上我根本睇唔到輕微既變化，唔緊要就飲佢個幾月唔得就算。
因為人為既意外今日我既冰箱竟然無檸檬，我好肯定附近唯一既士多唔會有檸檬賣，到最近有可能有檸檬賣既地方最快都行十幾分鐘，我仲有可能會迷路。
好啦！我決定問我後面屋既婆婆借檸檬，於是拎住幾罐鐵罐循例賄賂下佢先，斬緊瓜切緊菜既佢答我無檸檬，oh no！咁又係，檸檬其實都算無咩用，煮餸唔需要用佢，無人食生果會揀食檸檬，對易胃痛既人更加係大忌，無男仔鍾意比女仔請食檸檬，但係呢一刻我真係好想比女仔請食檸檬，嗚嗚。
我諗起一套電影叫瘋殺遊戲，係講有兩條友專扮人既鄰居借雞蛋然後入屋殺人，好啦！咁我就周圍拍門問下鄰居，總之邊個無檸檬就殺。
正當我萬念俱灰打算切生果食既時候，係一星期前阿媽執比我既雜物袋中搵到檸檬，原來檸檬唔需要人請，佢同我近在咫尺。
|
