今日只係想求期打篇日記所以在此補上原本大約十日前既事，
我阿媽成日執D棄嬰孤兒(貓)返尼暫養，然後再搵好心人士領養，
每次都因為咁令原本既一班拖地(貓)非常不滿，
例如班拖地會係唔指定既地方傾倒屬於佢地既廢物，
原本每星期打架次數平均由二點幾次變成四點幾次，
之後通常要一至兩個月班拖地先會完全接受新血，而我個人尼講都覺得好麻煩，
第一我唔想貓社會出現大少紛爭，第二新貓往往會帶尼我情感上既失落，
所以我為左自己好通常都唔會對佢地咁好，唔好撩佢地玩減少接觸佢地，
提醒自己佢地係唔會永遠屬於我屋企，搞到我每日都問阿媽幾時拎走佢地，
但係我阿媽對要收養既人會好認真審核，通常D孤兒待兩三個月先會離開！

大約個半月前哥哥妹妹尼左我屋企，哥哥見過既人都會好自然鍾意佢，
因為佢實在太CUTE，無幾耐我全家都比佢成功征服左，見親佢都捉佢玩幾下先心息，
至於妹妹就比較不討好，灰灰黃黃的毛色又怕人，不過最後都比我將冰山劈開，
妹妹走之前果幾日仲訓係我對腳上面，再見了！我會記得你們！