原本想11月最後一日打日記結果無打，想係12月第一日打日記結果都無打。XD

遲左都好照幫十一月做個小總結，其實都好似無咩野好講。

十一月既生日會食韓燒，食到尾聲我食左廿個左右雪糕球，上面張相就係我既傑作，任何人睇見都O哂咀，臨尾因為人地等收鋪所以我好急咁食，果個時侯大家講開打WAR GAME，話下次玩不如帶手榴彈即係發射BB彈果隻，而我地有個冰河時期前就生存既朋友一向唔明白我地現代人既說話，佢竟然以為係玩真既手榴彈，大佬，玩WAR GAME唔駛真係有人死呀？就係咁無論食緊雪糕同無食雪糕既人都笑到PJ，亦差D因為佢既真心膠令我成為全港第一個食雪糕哽死既人。

剛剛星期六晚比個朋友車左上大帽山山頂，望左陣星就走，好凍不過比起睇流星雨果晚算碎料，而我發現到原來好多人都半夜三更上大帽山。

剛剛星期日跑左八千米，尼緊個星期日正式挑戰一萬米，因為我想跑渣打馬拉松十公里賽事，我識有D朋友都跑過而我就從來未跑過，至於果D半程同全程都應該呢世都無可能玩，跑兩個鐘以上我覺得我會死。orz

另外我其實都好想參加冬泳，不過我好似已經有幾個月無游過水，得返一個月時間，我諗我連暢泳組都可能玩唔掂，放棄機會好大。XD

十一月無咩特別亦好似無咩開心既事，希望十二月可以遇到令自己開心既人同事。今年既聖誕節究竟會點過呢？