我都唔知點解我會越來越天真，不論男女好多人都當感情係遊戲，我又何必認真呢？如果可以做一個手術令自己唔需要男女之情都唔錯，肯定我每一日都會開心好多，怪醫黑傑克你係邊呀？

我以前都唔係咁，小學試過一腳踏兩船，初中試過劈腿，點解大個咁認真GA！成日都諗埋D搵個真愛一生一世既ON居野。救命呀！我想洗腦呀！

我：我係XXX見到妳同男朋友行

某：某網既網友尼

我：拖手喎！＝3＝

某：都未係我條仔

我：

某：拖手一定要係男朋友嫁咩

我：我好天真GA 我當係GA

某：佢想我做佢女友 但我未想住

以上對話顯出我係幾咁天真同傻OMG

前一排係電視機睇左套得閒飲茶，係講方力申識左個愛浦既女仔，佢好鍾意人但人地偏偏當佢水泡，無聊先搵下佢ZIP時間，有節目就同佢講得閒飲茶啦！套野都幾反應現實所以睇到我好灰。

大約一個月前有個女仔係佢唔開心既時侯搵我傾電話，果日之後佢就成日打比我，我唔得閒同佢傾會比佢話，我平時唔搵佢又比佢話，聽左電話又唔比我收線，我主動收線又比佢話，佢發脾氣收線之後我唔打返比佢又比佢話，唔緊要，我後天已經比人育成為一個善良人，滿足到人既我都盡量滿足既，到我打得多比佢可能嫌我煩啦！又或者由一開始我都只係一個水泡，人地玩夠覺得我都唔好玩既咪閃LU！最後打比佢幾次都好快收線話遲D搵我咁啦！同得閒飲茶句野真係異曲同工。過左差不多一個星期我唔搵佢，之後我SEND左個SMS比佢，無幾耐佢打返比我問我係邊個，我話我係XXX，佢話唔係掛？遲D搵妳啦！就係咁我非常確定我只係佢既一個水泡，佢已經一早DEL埋我電話，因為佢有九百幾個男仔安慰佢，所以佢DEL完我真係唔記得我電話號碼，高手，專業玩家，多謝妳令我上左寶貴既一課。

前幾日又係MSN見到佢名前面打講電話請ADD，名後面就打我唔開心我煩我可以搵邊個傾？又出呢招，如果佢真係唔開心我只覺得佢抵死，呢個世界上有D人真係唔好同情佢對佢好，最後受傷既就只有自己。