我決定盡我能力令自己開心，唔開心既人同事無謂諗咁多，

始終我開心同唔開心都要過每一日，亦唔會因為我既心情影響改變任何既野。

阿凡達真係好好睇，我一定會睇第二次，不過我煩惱緊個地方，

因為聽講imax版先係最正，但係得好少地方有又貴仲要好爆下，

當我睇完第二次我會寫返篇野做記念，我相信妳既感受我已經明白。

2010年第一次出尖沙咀，循例地到HK records同HMV睇下，

結果比我見到2001 太空漫遊(雙碟特別版)賣六十九元，初初出果陣要賣百幾元，

終於比我等到呢一日咁平仲唔買等幾時？

如果有埋阿史大師既閃靈、發條橙同埋佢其他作品既新版都係賣呢個價就好啦！

2001係我其中一套最鍾意既戲，

大約三四年前我買哂個導演史丹尼寇比尼克既所有戲(vcd)睇哂，

正式成為佢既影迷，而2001同發條橙都真係經典到無朋友。

2001呢套戲一開始超過半小時都係影住隻人猿做戲，怕悶既人可能睇十幾分鐘已經訓左，

而我睇第二次先明白呢段戲係好有內容，

講果隻叫望月兒既人猿(小說版個名)比塊從天而降既黑板開啟左佢既智慧，

之後佢學識執起ｄ骨頭做武器獵食，仲因為咁成功對抗其他族既人猿搶奪佢地原有既地盤，

人類既文明就係咁開始，之後佢一拋起個骨頭上天，

畫面跟住轉時間又已經經歷左唔知幾多百萬年，

人類已經發展到係月球有基地，

人類可以長時間太空旅行...........

如果阿凡達係呢個年代最震撼既科幻電影，

咁2001就係六十年代尾最震撼既科幻電影，果時都仲未有第一個太空人登錄月球，

但係套戲就好仔細描述左好多係太空生活既細節，真係超級劃時代，

而另一絕既地方係成套戲都係用古典音樂做配樂，出尼既效果竟然襯到絕，

影住係太空漂浮既太空站聽住古典音樂原來係咁美妙。

之後到左HMV見到我最鍾意既坡頭四2010年既月曆由原本八十元賣四十元， 

最後一個仲比我買埋，開心到我夜晚破例飲左杯好耐無飲既凍奶茶。