二十五號就係啦！日子越近越期待！
大約四年前吧？睇報紙介紹知道有隊挪威二人組合玩鄉謠，被喻為現代simon and garfunkel，講到咁把炮唔聽唔得啦！於是去到唱片鋪望住佢地既兩張唱片諗左好耐，唔係講笑買之前我一首佢地既作品都未聽過，基本上我既信心係尼自simon and garfunkel，談唔上係超級FANS但係都聽唔少，最後我揀左佢地第二張碟，我唔太記得原因啦！懷疑係因為比較鍾意新果個封面吧？
一聽之下驚喜到不得了！D歌SOFT得尼好有旋律仲幾輕快，佢兩個把聲都各有得色但係又好夾，的確對得起現代simon and garfunkel之名，無幾耐都搵埋佢地既第一隻碟喪聽，自此我鍾意熟識佢地既歌仲多過simon and garfunkel既歌，當然The Sound of Silence同Scarborough Fair呢D咁經典咁正既歌係無何能有歌替代到既。
就係咁鍾意左佢地幾年亦都等左佢地幾年，首先佢地過左五年直到上年十月先出第三張碟，雖然我覺得無上一張咁正不過都無令我失望起碼保持到水準，然後就係收到佢地會尼香港演唱，真係可以用望穿秋水尼形容，知道係全企位第一時間買飛，我有一個朋友佢好啖定咁唔買飛住，結果佢就買唔到啦！哈哈！之後仲有唔識既人問我可唔以讓兩張比佢，傻既！一千元張就讓！
|
