今日無出街,因為冇錢出= ="所以番係屋企,今日我係屋企上上下網,阿Wing打電話黎話係APM見到一個人,咁我之後話哦!係咩!我都唔知點解,以前o既我一定好開心,依家好似冇咩感覺,算啦!!呢d野都係唔理啦!!頭先上網睇完個故仔幾好睇架!!依家擺上黎俾你地睇下!!
一入到家門,總是周身不舒服,阿媽係廚房走出黎同我講:「返黎啦,你玩左一日,溫左書未呀?」
「玩乜呀,頭先去阿強屋企都係搵書之嘛。」我應酬住阿媽,其實我根本不想回家,不過阿強的屋企人都返晒黎,我唔好意思阻住佢地食飯,逼住返黎對住阿媽,唉~煩到嘔!
「阿媽呀,我個個朋友都有部手提電話啦,但我就…」
「人地洗腳唔沫腳,你係唔係要學呀?我都做到得閒死唔得閒病呀!」
「仲好講,依家個個同學都笑我做垃圾仔垃圾仔,一日至衰都係你,你做乜要做執垃圾?」
「衰仔,你講乜呀?我都係為左你,我至要涯間底夜咁做工,好心你生性d啦!」
「你成日都係咁講架啦,你咁鐘意執垃圾,你執飽佢啦!」我轉身向家門走去。「我今晚出街,唔番黎食飯啦」
「成日都滾出街去,群住成班豬朋狗友,你唔慌會學好啦!」
「你都痴線架,同你講都晒氣,我唔會再返黎架啦,因為我唔想再見到你!」
那時,我決心不再踏進這個家門一步,不想再見到這個野我討厭的阿媽。
三日後,我在公園同朋友踩板時,又見到我那個野我討厭的阿媽,佢十分慌張的搵我。
「喂!你阿媽喎,好似搵緊你喎,你都有兩三日冇返屋企啦。」阿強同我講。
「超,我冇阿媽架,依個垃圾婆搵垃圾之嘛。」我簡直不想認她做阿媽,我以這個執垃圾阿媽為恥。
「你咁講,好似又過份d喎。」
「過份?我算好心啦,我老豆走左添啦!」我一直都覺得,我老豆係因為覺得阿媽好討厭先走,我家下冇老豆都係因為佢。
「算啦,唔開心的事忘記佢啦!係喎,你後日生日,不如去唱K啦。」
「好呀,咁…」突然有人拉我的肩膀。
「衰仔,學人唔返屋企?」阿媽在大街大巷中大聲鬧我,我立即惱羞成怒。
「邊個係你個仔呀,阿嬸!」我轉身就跑,我那時十分憤怒,我不想被人知道佢就係我阿媽。我跑進繁忙的馬路,誰知,一部汽車向我衝來,阿媽一手推開我,不久聽到好大聲的「滋~~~~~?」。我轉身,我不敢相信我的眼睛,我大聲叫:「媽~~媽,媽~~……」我眼裏的淚水不斷的湧出來,很多很多的淚水湧到我到臉,嘴角,下巴,接著滴落阿媽的身上,淚水和血混和在一起…我傷心極了,我想一拳揮去那該死的司機,阿強阻止了我,我不斷的打那部傷害阿媽的汽車,不斷的打,直至我的手傷得不能動。
我的手縫了9針,但卻不夠我的心傷,阿媽入到深切治療部,我只能隔住玻璃,看守住這個我一直厭惡的阿媽。回家後,發覺書?上,有一張便條:
阿仔:
我現在正在找你,你若回到家,請留在家中吧,其實阿媽都只係著緊你,並唔係成日鬧你,其實個日你話你到同學家裏溫習,我心裏很高興的,又感到安慰。
你的生日快到了,阿媽一定記得的,我買了一份禮物窖艟蹚,雖然這份禮物的款式並不是最新的,但這是用我加班搵的錢買的,你要好好珍惜。而且,我昨天給了辭職信比公司了,我做埋這個月便不會再執垃圾的了,這樣以後便會再有人叫你做垃圾仔了。
孩子,你是我最愛錫的人,即使你犯了天大的過錯,阿媽都會原諒你,照顧你,疼錫你,屋企的大門隨時為你打開的。
阿媽
便條未讀完,我以忍不住低聲飲泣,打開了那份包裝簡陋的禮物,我更加放聲大哭,我一直以為阿媽不信任我,又只會對我有要求,想不到阿媽係在意我,即使係一句怨言,我希望…我真的希望,以我的淚水,為我過去對阿媽的誤解,不體量,厭棄,憎恨作一個補償。
不知不覺,我的淚水幾乎把整張床都整濕,亦差一點將我雙眼哭盲,可能…因為我的過錯十分之深吧。
自那天開始,我盡量關心阿媽,每日都到醫院探望阿媽,但佢的病情沒有因為我的改變,我的關心,我的照顧而得到改善,我終於明白到阿媽當時見我吊兒郎當,十分反判,但又勸極唔聽的心情,和見阿媽的病情每況日下一樣。
最後,阿媽始終都沒有再醒返,不過在佢離開當日,佢的臉容十分安祥,十分安慰,像知道我這些日子在照顧佢一樣,又或者,佢覺得佢\自己的離開,能令到佢心愛的兒子改變得十分乖巧,而我,就保留著阿媽送的那個禮物盒!那個禮物盒上寫著:
與其用昂貴的價錢買一部電話,不如學會珍惜時間,時間就是金錢,阿媽希望你能明白這個道理。
|
