我同爸爸,媽咪,細佬,仲有爸爸兩個friend一齊去大澳頭釣魚,星期日八點出發,三日兩夜,搭279x去上水火車站,拎身份證過關,再搭去羅湖,拎回鄉證過關,去到深圳,去三島海鮮酒家飲茶,之後叫車(私家車)去大澳頭,去咗一間叫黃記既釣魚鋪買餌同租快艇出海釣鱼,之後去望海樓酒店book房後,去街的市場買蟹,蝦,聖子,通菜同西瓜,拿拿聲坐艇去魚排釣魚,點知食白果,我就係到無無聊聊咁餵魚同練歌<幸而>,到下午5點,我媽咪就煮餸俾我哋食,之後坐艇番去魚鋪休息,夜晚7點,我哋再出海中心釣魚,不過都係食白果!夜晚12點番酒店休息,第二日,朝早6點半起身,去酒店2樓既望海樓酒家食野,爸爸同爸爸兩個friend好把握時間出海,遲1分鐘都唔得,今日既魚獲好好,有幾十條,有石班呢!我釣咗幾條石九公,下午5點,我哋去其中一間酒樓叫佢幫我哋整餸(釣番嚟D海鮮),之後番酒店休息,第三日,朝早5點半起身,去街食早餐(雲吞河,油炸鬼,腸粉,炒米,饅頭...),之後好快咁坐上艇衝出海中心,今日既魚獲都唔錯呢!我好開心,因為今日我釣到最多魚,各式各樣既魚都釣到,其中有條龍船(珊瑚魚)好靚呀!彩色ka!最大個條魚都係我釣,2斤重既細鱗,之後又叫酒家幫我哋整餸,食完番香港,臨走之前買咗3個大貝殼,其中一個吹得響,個魚鋪老細仲請我同細佬飲野呢!呢3日勁happy!但係我就曬到黑哂,番到屋企之後D皮膚好痛,隻耳仔仲脫皮,勁痛呀!因為隻耳仔唔記得搽太陽油,我兩隻手同面都已經搽咗太陽油,但係都頂唔住,支太陽油仲係90度ka tim,已經算高防曬,睇嚟下次要買140度至得!