今日又番左學校，去到G02，點知一個人都冇，一出到黎，就見到吳奕濃跑上樓梯，之後阿婷同衣衣行左過黎，覺得我真係唔可以冇左d朋友，中四就唔同姖地同班，覺得有d失落。

之後姖地上左去，又得我一個，派野，set帶，每日都重覆同一樣野，覺得自己就快冇感覺，之後阿英黎左，姖係第一時間黎穩我ga＞３＜XD，原來，我好想俾人重視，好鐘意果種感覺。

同阿英坐左係度傾計，覺得大家都好似，之後手機響，部錄音機都受到影響，出到去傾電話，又撞到Miss LEE，之後阿婷話要上去改卷，同阿英say bye之後就上左去，改到手都痺，都未改晒，阿英上左黎之後，我就即刻跑左落去，因為......姖唔識整d野，落到去即刻排次序、派簿、倒帶、擦黑板，阿英之後都落左黎同我一齊做。之後我就上左去改卷，應承左阿英11：25會落去，姖要返去準備入camp d野，個camp本身我都想join，不過阿哥唔俾。落到去，又同阿英傾計，之後一齊寫答案。

姖走左之後，我就睇'The Elephant Man'，Elephant Man係一個人們覺得生得不漂亮，活像一隻大象，但佢有一隻好似女性ge左手，佢俾媽媽賣俾商人，俾人觀看以賺取金錢，甚至俾人毒打，得唔到三餐溫飽，後來，Elenphant Man終於都知道生命ge動人，開始識得點樣去享受人生、珍惜所擁有ge野，但係，就係因為佢想好似正常人咁去訓覺，就因為佢果顆沉ge頭而令到佢條頸斷左，就係因為咁，佢就死左。有d晴天霹靂，覺得好心痛，好想喊，佢本身好可憐，但係就要係佢最幸福ge時候，竟然要佢死，個作者好狠心。

之後阿英打俾我話，個camp取消左，姖無得去，之後傾左一陣，同衣衣、阿婷去左買衫衫，衣衣買左同我果件一樣ge衫衫，有眼光ma∼∼