唔得, 一定要記低小炳介紹o既bad day比大家!!
個mtv一睇, 我就中晒毒..
個女主角好有味道, 男主角又好可愛,
首歌就更加唔洗講, 直頭係好聽啦..
(不過諗真d, 原來係我個喇叭加o佐effects, 所以先特別好聽, 係公司同屋企聽, 隻歌係唔同架~)

然後係第二日, 我又發現o佐"不得不愛"呢隻歌wo...
個女仔把聲好鬼甜, 有少少刁蠻, 但係又好可愛, 叫人唔就佢唔得o個隻,
個男聲又好溫柔, 仲好磁性~ 我覺得呢隻好過bad day!
所以又發狂地聽o佐兩日, 加加埋埋.. 都應該聽o佐接近成千次架喇...
係hall又聽, 番公司又聽, 係屋企都聽...
好友被迫住聽, 爸媽又被迫要聽, 鄰居就更加唔洗講... 哈哈..
加埋自己平時哼o個d......噢.....(都幾可怕...)

呢兩日發生o既事真係好多,
所有野都好似應晒"bad day"咁...
呢d野, 我預o佐, 每一日都一定有開心/唔開心o既野..
有件事我預o佐會發生, 意外地, 估唔到咁快...
不過無所謂... 一切都已經settle down...
以後專心讀書...

岩岩話專心讀書, 就收到好友電話,
佢話我o地兩個之間一定要搵一個去做house committee...
其實我唔願做, 怕煩, 但係聽聞又有靚仔,
又有分o羅... 咁就算.. 趣趣地答應...
希望今次d人唔會咁煩..

聽沖涼仔佢o地話搞bbq... 好似好happy咁..
不過我去到o既機會有d微喇~
祝佢o地玩得快快樂樂, 影多d相比我睇啦~~

哇哈哈哈哈...