今日要感性一下...

唔經唔覺又到o佐呢一日....
好記得o係7年前, 我一定會懷住期待o既心情...
黎迎接友人....o個陣仲係15/16歲....
而家就老晒luuuuuuuu...
往事不堪提, 唔知而家友人做緊咩呢?
祝佢永遠快樂~~~

人一世, 仲意o既人、物都有好多,
無可能個個/樣樣都擁有,
否則多多錢, 多多心機都唔夠用,
就好似行街時, 見到d野好靚,
但係只會望下, 唔會可能擁有佢咁...
因為, 當擁有o佐之後, 就會發現,  原來都只不過係咁,
有時真係寧願, 得閒就去睇下佢算數~~

好多人對婚姻有唔同o既睇法...
搵老公, 係咪真係為o佐將來有個伴呢?
我諗我要到o個個年紀先會知....
不過.. e家.. 我會諗婚姻都只不過係兩個人住埋同一間屋姐..
可能同你住埋一齊會好happy的那個人, 就係偏偏你唔會仲意o個個..
因為.. 你唔會理佢做d乜, 咁佢o既自由就會好大...
大家無壓力, 你唔會太緊張佢同邊個一齊, 佢又唔會好想綁c你..
(或者係我唔明啦......)

我仲唔明白點解要發明婚姻... 太大束縛了..
不過我又知, 唔搵d野束縛下某d人, 某d人會濫用愛情...
唉.... 搞到咁辛苦做乜...
唔? 點解辛苦.. 都只不過係.........................
我太花心喇.. 花心花到見到仲意o既野都想要...
咁我點算呢? 一定要揀1個... 唉.. 上天真係考起我..
成個世界益力多o個d箘咁多人, 點搵我隻白馬?
睇住沖涼佢o地咁有勇氣試試試... 我就佩服得五體投地...

真係好奇怪.. 個個人都渴望愛情,
明知有開心, 無可能無唔開心...
都可以接受唔到唔開心o既事發生....
我覺得.. 無論開心同唔開心, 都應該enjoy it~~
c o佐就無得再享受呢d感覺架喇...
因為.. 我唔信有下一世...

哈哈... 今日又記埋d廢話.. 實比人笑~~ 哈..
不過我仲意~~ 呵~~