前席
前日影相... 4堂兄表妹聚埋一齊,
好開心....不過唔係因為個學位...
而係enjoy個影相過程........
見到姑丈部相機............
個心好興奮........ d energy湧緊出黎!!!
思前想後....
我根本從來無為完成個學位而感到興奮/驕傲...
o個張紙反而強調o佐我o既愚昧...
不過.. 個學位總算還o佐某d人o既心願............雖然淨低o佐成大筆「政府貴利數」...
不過...值得o既....

其實我都幾仲意 On Stage!! On Air!!
希望將來份工係 arts o既範疇啦...

13/11 - 5:00pm


放鬆晒~~~~

Grad day 後感

第一件事要講o既, 係 ezramak 生日快樂!!!!!

終於畢業... 出席o既親友都好比面... 特別係aunt...原來今日係佢生日... 我無送禮物比佢不特止, 仲要佢送番野比我....
仲阻住佢o地去食飯.... -.- 實在太錫我喇~
舅父都有出席... 仲好搞笑咁幫我同姑丈影番幾張相~~~
佢o地咁忙都肯比面... 我真係覺得自己幾生修落黎o既福都用到凸喇........
今晚仲同aunt傾o佐好多事... 都係一d有關前途o既問題.....
佢講得好岩.... 計劃o既野... 都未必一定做得到....
咁又可必去為將來而做一d自己未必想做o既計劃呢?
人生短短幾十年...死o個日都無為自己做過d令自己傲然o既事....
咁又有乜意思呢?

其實.... 我好想媽咪同aunt好似以前咁....
aunt一定會令到媽咪開心d.....

另外, 姑丈全日都好辛苦咁幫我影相, d 相真係好靚,
我都未見過自己原來都係個女仔~~
仲係一個都幾可愛o既女仔loooor~ hhahaha
雖然話係姑丈o既興趣, 但佢真係好好人...
我知佢全日為o佐幫我影相, 出晒汗, 仲幫埋我同我d朋友仔影....
(最慘係我要話事~~) haha... 我真係好想好想多謝佢o地....
不過.... 唔知點解... 講o佐出口之後, 總是有點難為情....
唔知有咩野可以係我能力範圍之內做到而又有意義, 仲可以多謝到姑丈o既呢?

多謝得姑丈, 當然唔小得o既, 就係姑姐, 同埋一個我極度尊敬/崇拜o既表妹仔joanna啦~
姑姐其實..... 都係好重家庭觀念, 好愛屋企人.....
而且仲了解到點解姑姐會為o佐一d事而同o佐二伯娘嘈.....
講真的一句... 如果唔係姑姐....我都根本讀唔到呢個學位番黎....
有時諗.... 呢個世界... 有緣先做到家人....
點解仲要有呢 d o個 d 不滿... 一家好似高朋滿座咁.... 你話幾好呢?

之於表妹......除了佢o係百忙之中抽空早走, 黎同我食飯之外....
佢願意幫人o既性格, 實在太偉大喇....
經佢教一教路.... 我多o佐好多interviews... 而且識多o佐好多野....
一直都粗心大意o既我, 係佢身上望到咩叫觀察, 理性分析,
女仔.... 原來鬧人都可以可愛......
我諗我開始細心喇.....

伍伯娘伍伯伯都有黎同我慶祝....
仲送o佐條手鏈比我... 而家仲帶緊....
我知道...對佢o地黎講.......
其實係佢o地能力之內o既最好的禮物.....
佢o地o既心意.... 我會好好珍惜..... 一直回味....

婆婆... 我終於都畢業喇....
多謝你兩年前o既幫忙.....
雖然都做唔到d咩野....
始終.. 我同婆婆你o既關係...隔o佐一重....
我希望... 今次畢業.... 能夠令你覺得... 其實你教出o佐個好女兒...
再孕育出一個......叫做讀得下書o既小孫女~

唔少得o既... 係我一班fans group o既朋友仔, roommate(阿桃), 同埋d 同學仔...
同學仔.... 今日...可能係最後一次見佢o地... 真心祝福大家前程錦繡, 個個升官發大財.....
johnny, vincent, 小炳, 阿細, 同阿細男友都有黎同我興祝....
fans group入面... 呢幾個小朋友... 係永遠最支持我o既喇...
雖然自知自己能力根本不如人.... 不過佢o地幾個好多時都好肯花心機去聽我o既意見....
特別多謝johnny... 係佢叫人黎同我興祝架.... (感激)

最後.... 係爹地媽咪.....
對住佢兩個.... 除o佐流眼淚.... 真係唔知應該講乜野.....
養大我... 仲要無變壞... 當中... 由中一全級考尾二....到今日畢業.....
呢場馬拉松佢o地無一刻離開過我......
我要水, 佢比保抗力我,
我要包, 佢比魚翅我.....
一幕幕都係佢o地由衷o既祝福.....
寫到呢度.... 都已經流晒眼淚....
如果要係佢o地面前.... 講最熟o個句「多謝」....
一開口... 我諗我已經忍唔住喇....

爸爸媽咪今日都特別請假黎睇我行畢業禮....
o係我行過台o個刻.... 我覺得自己終於為「讀書」呢兩個字畫上o佐個「句號」....
一切一切...都好感動... 我就係咁... 永遠將感情放第一位....
我認為呢個世界如果無o佐「情」.... 就無野值得留戀...
跟住黎o既....會係另外一番天地.....
真真正正係我由自己決定o既「天地」.....
我知道自己同佢o地o既思想將會漸漸唔一致....
佢o地會有更多更多唔明白o既地方...
希望..... 到時.... jenny 已經有足夠o既能力令佢o地放心........