會考終於到尾聲na...起碼鬆一口氣-v-

講返考試既野先

21/4 地理
地理係去五育主場考..正-v-
今日如無意外..基本上係無問題
MC都應付到..不過我都睇到好多Fake位
LQ就...難就唔係難..可能係我既問題姐

24/4 中文(一,二)
中文兩日都係去祟蘭考
閱讀係完全唔知佢想up乜野lor
寫作..就選左題吹水既題目作..又出奇地俾我吹到= ="
我都算係神嫁啦..條題目咁樣都吹到800幾字..xD

25/4 中文(三,五)
中文既第二日~~
聆聽..真係好鬼易阿..只可以咁樣形容佢
至於綜合..話易唔易..話難唔難..只可以咁樣形容佢

27/4 數學
數學係去我家姐既母校--劉百樂
Maths唔洗講啦..一定Fail..但起碼唔會U咁離譜
因為拎U真係難過拎F =  =
勁想早走..識做果D都做哂..(講真..其實無題識做)
係簡單果D都識填下..好過無啦?..等拎F啦~~

28/4 西史
今日歷史係去樂道考
我一見到份卷呢..就梗係駁佢份卷會係透透地..睇佢入面D內容啦
未揭都睇到個多啦A夢= =..心諗..下?! 多啦A夢??
咩料子?..之後揭開份卷- -日本同香港既文化囉
唔洗講..我梗係駁係BBQ拎分..Eassay..死得啦-.-
Eassay寫得一半紙咋..寫得黎佢都收卷嚕..又掰掰多一科..唉..F啦

29/4 經濟
Econ又係返五育度考..唔知係咪主場真係無咁緊張呢?
已經盡我所識既去答..答得既都答長D..當然唔係答廢話na..
希望都拎返個E~~

4/5 中史
中史係林裘謀(第一城)考...
中史不嬲都係我全差..最無信心既一科=.=..
不過經過我係咁死背爛背..都記得一D..
同埋都溫左咁上下時間..都識答一D既...
6分題我都答得好長嫁..真係對過幾次Answer幾交卷..
起碼都拎返條E啦..唔係對唔係陳Sir=.=平時都對唔住佢
衰埋就連見佢都無面@@"

8/5 Eng(一)
終於到地獄英文-.-..係去祟蘭考..
出奇地係同腸仔同一考場就一齊去考
1A Reading都算易啦..起碼都係我識做既範圍先
對得住自己就得na~~拎到2級
1B考呢個作文= =哇..佢D題目真係去到我唔知點作既地步囉
真係..我短文都卡住左..不過後味諗到野插入去..整長左佢
但係250字長文就= =..作到一半死左na..作文應該會炒..唉.作文1級硬

9/5 Eng(二)
今日..英文第二日..考Listening...哈哈..好易阿..
好彩都唔難姐..校內試出奇地聆聽係三份卷中最高分..
聆聽應該拎2級..Pass囉~~


詳細就係咁na...希望CE掂啦..唉..唔掂都要夠分重到讀呀!!!! 掂唔掂就睇自己既造化
之後等6月10同6月19考埋Speaking..就真係考完CE..等8月5放榜