放完個假lu...返學既第二日~~

今朝早個死人LG電話個鬧鍾唔嘈...好彩我媽媽7點2打來嘈醒左我

否則後果您都可以估到 =.="

最後我都系遲到左..唉...中五第二次遲到..冇哂quota再遲到啦...

再遲記今年第一個缺點....中五唔想畫花張成績表...所以唔可以再遲到啦!!!!

返到去企係度出面集隊..勁眼訓..之後見到條友係度嘔..頂..勁核凸..晨早流流俾我見到D咁既野

好心朝頭早你腸胃唔好就食少D啦...!!!

之後返到上去就上堂...我有成堆功課未做過囉..唔該哂...Econ堂聽一聽書竟然識做..勁~~

then我拎左最可靠既美眉同學既Maths工作紙諗住抄..點知我隔離果個做左一件好事..

就係搶左張野- -...之後我拎返...明明係手上..我再同隔離果個講左陣野再拎起隻手份野無啦啦唔見左...

搵極都搵唔到...有腳識走嫁咩...唉...你唔搶咪冇事囉= =...都唔知點交代...

之後就一直上堂...都系好似平日咁na...放學嚕...汁完野就上去聽大陸升學果個講座

聽完之後諗住走...司徒要我送佢返屋企..之後就送佢囉...

突然好肚餓...就去左買果個薄餅食....走左去佢樓下後面條樓梯食...我果個唔錯...佢果個麻麻地....

再傾左陣計...佢話好凍就送佢返入去...我就走了嚕~~~