或者姑姐講得岩
個大既唔開心仲可以黎呢到住返幾日
但個細既唔開心仲可以去邊
我至少有表姐幫我出頭
但我講出黎我有咩唔開心
係想有個人俾我發洩下
唔係想搞到全世界都咁唔開心
我見到表表喊個下堅係心痛一痛
我知佢為我做左好多野
我都知我今次咩都唔講就走左黎佢到
佢都嚇親
我之所以咩都同佢講係因為我當佢係屋企人
但搞笑既係..
真既屋企人我卻無當一會事
唔係我無良心
係真係呢個世界得表姐一個明我
佢知我唔開心D咩
佢知我執著D咩
星期五晚走左過姑姐到
咩都無講.表表放工即刻搭車返黎
就係為左問我發生咩事
之後見我咁.幫我出頭
打俾老豆.講講下到自已都喊埋
為既只係等老豆知佢平時點對我
咁大個女等一次咁唔想返屋企
我為左你地既一句努力左好多
咁努力考個全班第五返黎
換黎既一句係「繼續啦。」
心都涼埋
琴日一路聽表表講電話.一路喊
唔係覺得自已好慘
而係真係覺得明我的只有表姐.....