其實以前真係對自己期望好高
希望自己將來可以愛情友情事業三得意
我到依家仲好記得我細個個陣既理想職業係做個律師
係因為可以幫到一D真正需要我幫助既人
越大個對住自己既成績先發覺原來我發緊一個春秋大夢
唔係無努力過只係我既努力換唔到我想要既野
試過自己一個係夜晚爆喊咁抱怨自己讀書壓力太大
發脾氣咁講我唔要再讀落去
但係明明上一刻我先好有大智咁同爸爸講
「我唔想做個令你丟架既女;我想做陳家第一個大學畢業生」
好多人都同我講我讀書俾太多壓力自己
但係我想講我無左呢D所謂既壓力既話
我連可唔可以讀到中四都唔知
每一次抱怨完我都好有動力咁同自己講要努力讀書先得
但係到左下一秒又即刻hea返
haha連我自己都好想笑我自己
屋企既環境我從來都無怨過
面對住十幾個所謂既親戚係背後講我地有幾無用
我從來都無介意過
因為我知我對得住自己對得住我既屋企人
我讀書係無家姐咁叻但係我有我自己既路
其實即使我把口話幾唔鐘意呢個屋企都好
我都知無論發生咩事呢到先係我既避風塘
即使表姐佢地幾錫我都好
呢到先係我第一個屋企我唯一既爸爸媽媽
過左咁多年我應承爸爸既事都仲未做到
我唔知幾時先會做到但我就係知爸爸永遠都會係我身邊
親情可能就係咁諗返起溫書溫到好夜既時候
爸爸走出黎同我講既一句加油啦足以令我淚流滿面
我希望真係有一日爸爸同我講既唔再係加油啦而是恭喜哂
多謝爸爸你一直以來既疼愛;爸爸節快樂.