好記得最初facebook未係好流行時....大家都會興打sms聯絡...就算一句 " 好呀 " 都要 send sms比對方的...之後有聽閒因為太流行呢樣野..d人又好多野打..send 來send去...結果打sms打到手都有問題...要睇骨科咁話...但好奇怪一樣野...當大家面對面時又唔會有咁多野講woo...久而久之做成新一代ga人係唔識表達自己...好多人都話而家d大學生都好難搵工...尤其係果d讀好多書ga書虫..佢地通常都係有超勁ga電腦知識..所有電腦問題佢都識...不過一同佢講野或望住佢呢...佢地就會有語障....

事闢我同好多朋友都係做HR的...HR(Human Resources Dept)...公司要請ga 唔係咩叻人...而係想請一個...講野..心態..同行為都正常ga人...呢樣野真係唔容易..尤其而家互聯網咁發達...大家坐埋一台...玩iphone...玩到痴痴呆呆...

曾經問過一位見工妹妹一條好簡單問題..."請問你係想見咩職位呢?"

她好似有難言之忍咁答":.....好似....好似...（焦急起來的表情）sorry呀....我...我唔記得個職位係咩名＂.（我心諗）....你上來做咩呀..

我強裝文雅地問她...."咁請問從咩途徑知道我地請人呢?"　

她:　＂我係搭地鐵來的＂.（我心諗）....頂！XYZXYZ.∼∼不如你殺左我啦。。。

我：＂請問有無帶學歷工作証明及相片呢？她："Sorry呀....我工作証明要遲D先有...相我有帶呀.".

然後給了一張用電腦Print出來的生活照...但cut左自己個頭出來的相給我....

（我心諗）...你沒事嗎??

另外有一次與一位來見工的男士傾談...咁講野望住人對眼係好正常的事...但佢多次地迴避我的眼神...佢係都唔肯正面去望我....我就係咁望住佢..(當然無別的意思)....當佢每次望住我而我又望住佢時...就即刻鑑介地縮....我心諗..."先生..你精神係咪有D問題"

而家食物營養豐富，電腦又發達，但人卻不斷地退步，人與人之間的關係更加唔駛講啦，溝通講野都有問題又點維持一段闢係呢？

不過Facebook而家咁流行...我都鍾意左佢...記得最初我對佢麻麻地...我成日覺得我ga野做咩要post上去比人知呢....而你做緊咩又關我咩事姐..........

不過對於非常繁忙ga人就有個好處....唔得閒約出來食飯唔緊要...上fb就知道你而家做緊咩....有d fd生左bb又知...結左婚又知...失戀又知...日常發生ga鎖碎事又會知道...而家仲厲害...字都唔駛打...click個 like 就ok了..

尤其對果d大家已經認識...而未去到要主動打電話比對方傾計果d朋友...一個like~~即刻可表達到大家友好關系....尤其係平時唔like開你果d朋友...突然間like你....果個like~可以令你好震撼...咁你like下我....我又like下你...like下like下....大家一見面....不費唇舌時間...感情又增進了..多麼的神奇...各位朋友...你地得閒要like下我啦...哈哈哈...