給古怪小姐：

以前好多人話...出來做野係唔可以有真正的朋友....或者我可能好彩....係上一份工我識左幾位知心好友...由大家未拍拖到而家佢地都結晒婚生埋小朋友（除左我之外）都有聯絡....直至我來到呢間公司做....初時覺得好難識到真心朋友....因為間公司靜到連大家呼吸聲音都聽到.....有時.....差點兒連大家的心跳聲都聽到（好恐怖）每日都見到ｄ人好高貴咁穿著高根鞋行來行去....同埋有一樣野你地可能唔知...當時新入來的同事係唔會有人陪食lunch的....要食自己吧....我當時真係悶到發瘋...後來知道公司有兩個月一次team lunch....初時都幾開心的.....但去到餐廳大家工整的排排坐.....ｄ人極度欺文咁....食野的聲音不能發出....大家傾談的都係好無聊表面的事....但又要扮好笑咁woo....當時我心諗："你不如殺死我啦"我寧願自己去ｍ記食好過了’

這段日子捱了一段時間後.....就認識了古怪小姐你....初時見到你天真得緊要...仲以為你係扮野....後來日子耐左發覺你真係好...好好人的...仲有見到你每日被來自不同部門的同事欺壓.....但你都報以真誠的笑容...我心裡真係有一團火...之後又見你同ｄ呀叔好friend咁...我們不喜歡做的事你都會做....之後又見你成日比果個朱咪咪迫害....你都啞忍....仲有次出面打大風你都要出海幫公司做野....你真係好厲害...傻傻的外表...內裡堅強無比...係你身上真係學左好多野...係你心裡係無分階級的...無分貧賤富貴...性別..年齡..呀叔呀嬸...靚仔樣衰...肥婆瘦人...動物...物件...植物...你都當全世界都係朋友...你對佢地都係好有愛心的....而你亦無當自己係一個咩人...係女定係男

人家都說同部門的同事都係唔可以做朋友的....但係我地抗戰期間....都會互相幫助...當大家沮喪時....又會互相安慰...忙亂之中又會有ｄ搞笑事情發生...你可能會驚訝....我外表脆弱欺文....原來都好粗魯同埋低能的...當我真正需要幫助時....你毫無疑問咁一口答應...真係感激萬分

還有...之前查過我地前世係好朋友..你今世係來還債給我...而家你還完了..打個和吧

我希望你工作順利...我會得閒拜多ｄ神保佑你的...仲有早日搵到個白馬王子