在準備呢個比賽ga過程真係好艱辛..由構思形象開始..都諗左好耐...希望個形象可以發揮之餘...又要特別...最後決定用美人魚呢個look...雖然唔係有咩咁特別...但都可以有好多發揮...選定了主題後..就要選model...選model過程都好多波折...因為都要有好多條件...除左要高..長頭髮...瘦...就係要可以係眾多人面前性感...同埋懂得表現自己..佢地除左平時要來比我練妝外...到比賽當日要早上六點stand by...直到晚上六點..都唔可以落妝住..真係唔惹小..最初我因為有好幾個model知道咁大場面...(中國,台灣,澳門,香港大賽) 而且又要性感...都縮沙...幾經辛苦搵到而家呢位..Noel...

製作件衫ga過程都艱辛...知道在香港整一定好貴..於是都係選取大陸造..當然完工後有好多出乎意料之外的...之後都要不斷加工..

比賽前段日子..我不斷練...由個妝開始都改左好多次...用了好多不同類型化妝品去試效果...而個髮型..全部頭飾都係親手整的..由好多個貝殼組織而成..希望獨一無二...

由於報考了 '整體形象設計'..... 到比賽前一天...要去考個筆試..都搞到好夜...之後趕住返屋企再將頭飾加工...好似瘋癲左咁盡地一鋪...直至凌晨兩點...心諗只可以訓一個鐘多小小...凌晨四點就要起身...都唔知點捱落去...

到四點鬧鍾響時...我第一時間彈起身打比個model...好似一d累ga感覺都無...之後從漆黑中摸入洗手間....當一照鏡時..心裡想...

不斷回想當初入學前...有位鄧小姐約我上學校...我個fd陪我上去...佢一輪咀咁介紹呢間學校...又比d學生ga功課我睇..又比d假人頭我睇...仲比埋佢部iphone我...睇學生d作品相...我仲記得叫佢比十分鐘時間我考慮下...後來抱住一試ga心態報讀...果日我仲記得佢約左人打邊爐...好趕咁收工...

當初一定唔會估到...現在ga我...哈哈...卻如此瘋狂...如此夢幻...

最後比賽順利進行...卻比預期中快完成..

奪得呢個 '創意獎'...感覺卻沒有太過興奮...因為經歷左艱辛ga過程後...早已經嬴左自己...在整個過程發生ga一點一滴....比獎項來得更有意義...最重要係...我擁有一顆..仍可以做得更好ga拼博心...