英文會話比miss ma話到我喊,本來係要每個人都出黎揀一個題目,再講,我話唔

識,佢話我上年都唔係咁,問我係咪想佢好似對d男仔咁對我,佢話佢係對d男仔冇

期望先唔理佢地,搞到我都唔知點解會喊...中文又唔知佢吠乜春lu,冇錢食飯,佢

地去食壽司,哇,攞命呀,搞到我好想食吖,好難先忍到唔食,我特登帶左本小太子

解悶同分散注意力,化學miss又冇返,miss i代,佢播佢師兄表演果d跳繩我地睇,

上次睇絕世好賓時榮坐我加邊,佢睇我油顏色話幫我,唔知我係咪有小小小小瑪

麗蓮夢露果種比男人好想保護果種感覺呢,哈,我都知冇可能..正埋個報告就得

lu,好野,大家一齊畫哂lu,好多人讚個封面畫得靚,好開心,我畫嫁^ ^哇,跟住去

禮堂聽性教育講座喎,好叉悶,都唔係好性咋麻...講愛滋既,係日記裹面既,先係

真正既我,大家平時面前睇到既(由其係多人既地方)我,根本就唔係我真面目,哈

哈,我真係好想好多人都知我諗乜,好多人有睇我日記,好多人知我獨特既諗法,性

格同愛好,我勁中意聽外國兒童合唱團d歌,仲有舞台劇,我係好好好中意睇,仲有

古典音樂,以前好經典既卡通同歌,由其小丸子,美少女戰士,叮噹,我一有錢一定

要買哂佢!!!仲有羅密歐與茱麗葉,我搵過好多人都話冇,好想問人借黎睇吖,之前

偉話請我食飯又走左去喎,如果比我揀,我一定揀壽司,食壽司刺身係最幸福既事

吖^ ^好想試吓由人地角度睇自己個樣,我到底係咩樣呢,我諗我學識左係班房

自己個位做任何野都唔會覺得有好多人望住,可能有熟人係身邊掛,但出到班房

面前同打排球時我仲未放得開,真係要快d學識放開心胸去做先得,放開左,一定

打得好好多,我開心係雙子,好中意自己既優點^ ^