一朝11點,姑姐帶我返屋企,返到玻璃門冇

開,又出返去叫姑姐打比媽,唉,原來我有鎖

匙,早知我就自己開門,唔洗麻煩姑姐,我真

係唔係做大事既人呀,屋企冇人,佢地出哂

去,打比媽,佢話1點去眼鏡鋪,又要返返表

姐屋企,唉,早知我一早話比姑姐知1點先要

去到眼鏡鋪喇,搞到唗左佢好多車油,好唔

好意思,係車入面我仲係一路食佢買比我既

早餐,係吉野家既,好好味,我唔食得牛肉,

要左雞,佢D米粉好好味,又一D油都冇,1點

又再出過去,真係好唔好意思,去到又仲有

好耐先夠鐘,姑姐打比媽,話佢地等緊藥,家

姐會黎先,我就同姑行去驗眼先,哎吖,千奇

唔好撞到熟人呀,著得好球其,成個呀好咁

,帶果副落左訂既眼鏡匡真係幾好睇,但唔

知人地點睇,算喇自己覺得靚就得,係時候

比返D主見出黎喇,睇到鏡中既自己條眉係

關刀眉,係有主見既像精,家姐再配隱形眼

鏡,佢話好得意,再返屋企,換左套靚靚衫,

借左姐對(石本)著,著得好廋^ ^同佢地行

街,買左新(石本)幾靚,不過好貴,成198蚊

,一路行,發覺我著得靚過佢地好多,咁樣好

唔好意思,因係佢地借$比我地生活,仲成

日帶我地去吉之島買野,姑丈好唔中意姑

姐幫我地,佢一黎親我地度時,出門口都比

佢話,唉,又去救濟喇,表姐仲話佢講得好難

聽,但姑冇同佢嘈,費事比佢罵,買左小小野

,但我仲有幾樣野想買,有個好似百幾蚊既

耳筒,佢白色好靚,仲係立體聲,聽唔到出面

既聲,但唔夠$,仲有無線賣廣告果個女人

唱D幾高音既歌,個廣告正到佢好似死左咁

,個封面係佢著住一條姐色長群,個女人男

仔頭,我雖然唔知佢係邊個,但我中意果類

歌,姑比左$150我,E+得返5十幾蚊,我要

儲到夠買呢兩樣野,如果可以我要再儲,或

者唔食飯,用飯錢買埋麥當娜仲有北海道

隻植物,可以求幸運嫁