今日去旅行，估唔到咁快可以上
車....去到個度，譚卓文佢地已經
霸好爐....點知冇人識擺炭，好彩
謝永軒識(發覺佢超好人，咩都幫
我地做哂)跟住個火成日識，我就
幫手''搧''d風入個爐度.....點知d灰
係對面個窿出左黎=w=   瘀死....

去洗手個陣，俾人叫左去整個爐
.....去到，o左，全部炭好平均咁
分佈係個爐度(好似石春路= =)跟
住我拎起舊炭，熱到仆街囉，原
來個火係下面燒緊....搞到隻手紅
哂-\ /-''

之後燒燒下就要去沖手，佢地話
我乘機溝女囉......算，解釋=掩飾
發覺帶左超多野食，扒超好味=]''
跟住燒綿花糖，點知太近個火，
變左成舊炭咁(佢地話隕石...)謝永
軒唔好貼出黎呀=w=

唉....點解我要望過去，搞到冇哂
胃口，走左去釣魚~~超正，用生
蚯蚓做餌，嚇到d女仔尖叫xdd''
但釣釣下，先知譚卓文佢地走左
=w='' 仲要又望到d唔想見到既野
，仲到仲灰......多得jason同吳卓
恆做左d勁搞笑既野，先開心番
......

釣釣下，莫浩釣左舊石上黎....又
笑死左，李俊傑同梁耀俊釣左好
多條魚.....但我1條都釣唔到-\ /-''
好後悔冇行水塘.......跟住趣致兄
釣到條勁大隻的，發覺d魚好慘
，俾我地虐待=w=唉，去到最尾
都係零收獲，嬲得滯成個魚排都
掟埋落海.......

搭車番去個陣，班人又玩拎紙巾
，但今次好冇癮，下下都咁近....
跟住諗住掟miz，但兩下都唔中
仲俾miz掟番轉頭....成車都爆笑
=w=跟住去練籃球，但顯得自己
更加廢.......聽日唔想映衰3信，
話唔記得帶衫算.....