今朝勁早開機做project，點知岑俊林仲未sent黎......
跟住返去個陣，撞到陳龍發，跟住譚卓文就係咁避佢，搞
到我地要行樓梯，之後我地鬥快上去，哈哈.....我贏左^^
跟住又要早上集會，本來想攝番件衫，但係太熱，所以就
用件冷衫姐住.....不過之後俾陳sir見到，要我行去後面攝。

估唔到我地班可以拎到清潔獎囉，有我平時係度亂咁掟野
都拎到，真係辛苦哂d值日生......電腦堂又係度訓教，歷史
堂冇帶書，要企成堂，之後先知原來ERIC拎左我本書，真
係打得佢少......通識堂聽人講野，差D訓著.....

中文堂又要聽人講野，要排成一行講，仲要講完就走，搞到
最尾個個勁驚.....打死都唔做最尾。之後我地傾邊個講一開
始個到，勁多人爭.....最尾爭輸左= = 搞到我要講通告。跟
住靠問人先知LUNCH之後要默書，所以狂溫.....溫左成堂先
背到。

LUNCH冇左陳進賢，搞到我冇心機打，打左幾場都輸，之
後同KAREN搓波，發覺佢勁左好多......跟住默書，一開始
差D背唔到，好彩之後都記得番，到到最尾都係錯左少少....
..^^跟住ar sir調位，又唔調我.....都係個呂俊豪拉= = 搞
到我俾人流放邊疆......英文堂ERIC無端端同我玩轉紙仔，真
係勁87，係隔離都要轉，仲要勁多粗口......

放學俾ar sir留，留左20分鐘，之後就去禮堂打波，成個場
我地打哂，不過一有人行過，即刻勁驚......打到差唔多5點，
就去食麵，今次5包勁辣，真係辣到噴火.....不過咁先正，聽
日一於再買過^^