琴日開始派卷,超緊張.....

第1科派普通話,64分...覺得唔錯,
因為後面個頁幾乎冇做過....跟住
派電腦,得46...omg  到歷史,以為
自己起碼80分架嘛,點知....79- -''
唉... 科學仲衰,1接到卷幾乎想自
殺。兩個錯字+平衡方均寫漏野,
咁就冇左5分,mc仲pk,得46分....

終於明白左咩叫期望愈高失望愈
大.......

今朝返去,講數學mc分,開心哂~~
但卷1好唔抵....係呢個時候,當我
望緊岑個陣,俾我望到XXX的XXX,
完全估唔到...(唔好問我係我係咩)

作文唔明個miss識唔識俾分囉,好
明顯偏心bc gp...跟住落禮堂對中
文,卷1 54.5....低到爆!!!!作文我畫
左兩隻龜落去- -'' 頂.....冇左4分
後面個度仲衰,ar sir唔明我講咩...
唉.....輸哂俾後面個個。

地理,—聽我地班最高分個個都係
得76分,心諗仲唔係我.....點知,係
我後面個個囉!!!! 之後佢無喇喇搵
份卷掟我,俾我掟番轉頭xdd''軒個
段片拍到超好!!!!

商業同佢鬥高分,點知...俾佢贏我
8分!!!!冇天理呀.....後尾佢仲要同
miss拎多2分,所以我都俾miss睇,
我都拎多1分^^''放學去食野,d料
多到...下次唔食辣囉,搞到我勁熱

之後搭車去軒屋企,打左差唔多2
個鐘籃球,熱死...跟住去佢屋企涼
冷氣同睇人打機....同佢地打實輸
死@@走個陣又sir涼梯(地鐵個條
扶手)勁正!!!!唔知有冇人影到擺上
youtube.......

返到屋企7點9,跟住又可出街食飯
(我呀哥高考放榜) 行行下,右腳既
鞋底甩左,仲要係馬路....諗住同呀
哥講去買對,點知行多兩步,另1隻
甩埋囉頂.....實俾後面d人笑死- -''
行過街市,好彩冇漏水,唔係真係死
俾佢睇.....