唉......唔知係咪睇得<<拳霸>>
多，琴晚發夢個陣，夢見自己同
人打架，仲要輸到起唔到身....
跟住就醒左了~

上音樂堂，太悶喇，前面班人就
係咁傾計.....最尾1堂數學堂用黎
溫書，但我仲有好多野唔識= =
電腦堂又做小測(溫書)唉....我狂
錯囉，搞到隔離個位要幫我抄番
哂d答案~辛苦你了= = 聽日放學
仲要做番個份練習-w-''

小息去更衣室搵熙仔佢地，跟住
我諗住試下跳禮堂個d樓梯，熙
仔睇死我跳唔到5級，所以我就
衝左過去..........成功左，但我
kick左落第6級度，成個人仆左
係條街度，隔離d高form狂笑....
算喇，我既作風-w-Y

英文堂派卷，又炒......譚卓文又
係第2高分....妒忌-w-''最尾拎番
分，同熙仔打和=]''lunch食完上
返去個陣，全班已經坐哂係度
(得我同陳嘉螢係前面)見到佢俾
人照緊肺，我都知我死硬.......

馮：李文偉，你去左邊??
我：食飯
馮：個個都要食飯喇，點解人
        地又唔會遲??
我：因為我係下低食飯
馮：下低即係邊，地獄呀??

係宜個moment超想串番佢，但
唔想放學都要對住佢，所以答左
：''下低即係雨天操場的意思...''
就返左埋位。跟住佢狂話我地，
話我地上堂記律差、成績差、秩
序差、禮貌差......其實都講得幾
岩，好應該反省下......

 之後miss就同我地對卷，但份
卷係屋企，所以抄係張紙度...
跟住聽到d人話有人寫情信俾岑
俊霖，唔知係邊個寫既呢xdd''
中文堂派測驗卷，終於合格了><
科學堂自修.....溫科學記數-w-''

第9節班主任堂，同何希林玩個
個老鼠夾，玩得好低調，但吳嘉
敏佢地狂叫囉......放學冇野做，
去M記食，玩15/20，次次都係
我輸= =

哈哈......口語試試轉左時間xdd''