唔知點解唔係太想打網誌，因為唔知打黎係為咩。有一段時間看見自已的瀏覽次數快速上升有一種虛榮感，成了我打網誌的一種動力。但現在對我這樣野有同冇都冇咩分別，沒有太大的感覺。打網誌係為左咩？同人分享？把開心的事與人分享？令大家都可以分享這份喜悅？都從另一角度說這樣做不是要滿足自已的虛榮心，講得難聽少少，就係想找個地方曬下姐。把煩惱的事與人分享，希望大家會為我分懮？另一個角度說今樣做都係為左一些補償心態，希望得到別人的關心。再從另一個角度說你唔開心關我鬼事咩，你講我知又有咩用。我唔係今做有問題，不過對我黎講好似太冇意義了。每個人做每樣野都一定會有他的意義和價值。而人一定會以自已的利益為先，我這句說話你可能會好反對和有反感，但想深一層我相信你都會認同我。我要補充一點係每人的價值觀都是唔同架。我想在我未想到打網誌係為咩前，我打網誌的密度會非常低。