仲有幾日就１８歲啦。哈，其實對呢日我又真係有D其待。

因為１８歲就姐係代表一個人成熟的時候，在法律上係、在科學上都係

１８歲係人智力的頂點。我好想知到左果日，我係唔係會叮一聲今，

個腦醒曬呢？哈哈

早幾日病完，e兩日先精神番。首先第一日下瀉，瀉到個人傻左，磅下輕左幾磅。跟手第２朝發燒

，不過好彩冇再瀉，依為好番。點知到夜晚，訓訓下先知中計。嘔足成晚，成晚冇訓過，哈哈。跟住

果日仲要番學校present。打比D同學叫佢地幫我問下個啊sir，番唔倒，可以點。跟住佢個答案係如果

你因病冇番，你個分就會跟據其他組員的分數而調整出黎。聽完之後，幾病都番啦。睇完醫生，跟手就番去啦。

個醫生又冇話我咩病，又開D退燒、止瀉止嘔藥比我，但張醫生紙又寫我flu。今我姐係咩病呢？根據我病左今多年

的經驗，我深信我係感冒菌入腸。食左藥，番到去整埋小小手尾，就夠鐘present啦。（我fb好似有一張present的相）表現就一般啦，不過D掌聲就比之前今多組都大，同埋我有信心，我果組會係最好的一組。因為有我的帶領XD（自大狂又出現啦）。完左，仲有

一堂都唔上啦，即番屋企訓。走果陣都好似有D燒。番屋企訓，跟住果日都係懵懵下，訓下燒下，一唔食藥又燒。到跟住

果日好似好D喎（食住藥果陣）。好，番學啦，夜晚仲要番醫療協助隊步操添。哈哈。操完，搵杜生食碗粥先清清地。走果陣

就大鑊啦，我差唔多嘔雲曬成條染布房街地上的每一個坑渠。番到去，今次我醒目啦，我咩藥都唔食，食感冒藥。第二朝好好多，

繼續食感冒藥。第三日今日，我好番啦。唉，其實今多日先好關唔關個醫生事呢？

不過今次病完個頭腦好似清醒番好多今。好似變番自已今，唔知呀之前總係覺得這陣子的我不是我。哈哈，e加感覺好好多了。

哈哈，愛上左刷鞋，頭先刷左一個鐘，哈哈，對鞋真係麻煩，一個鐘都係覺得唔夠「玲」今。哈哈，刷鞋令我有番之前學跆拳的

感覺，果種只要集中精神，專注做一樣的感覺。果陣感覺真係令我好放鬆、好鐘意。e加冇得學拳，點知刷鞋令我搵番呢種感覺。哈哈

 哈哈，幫下個blog抹下塵先，層塵都應該好厚下啦。今日人生第一日正式番工。感覺唔錯，哈哈。

份工係一所小學的魔術班導師。工作地點唔錯，粉公，都幾近我家。人工，更加唔錯，哈哈。工作時間，

一個星期得兩個鐘，小左D姐，多番D就好啦。D學生呢，比較活躍，不過我有信心可以控制倒^^。今日開頭

全部都唔係幾合作，不過看了我玩魔術後都留心下來（好似有自大添），不過有一個始終都唔太合作，所以我選擇

一個好有效的方法處理，就係唔理佢，結果全班都冇人理佢，佢都冇引，最後一個人靜左坐係倒。哈哈哈哈哈。

其實呢排都忙倒死，上個星期1完成左我第4科的測驗，跟住星期5交左一份project，今日又交左一份，泥近個星期3又

要測驗，星期5又要。仲有1份功課同3個project係手，之後仲有3個present。跟住好快又要考試啦。唉，一個字好好好好忙！

(註:ive的project一般係最少2000字in English)

上星期醫療協助隊的步操訓練令我帶來錯敗，今個星期果堂又上唔倒，有D擔心，不過應該應付倒。

唉！學校D project真係做到傻，一D人冇咩( )，但會聽人講野，同做野。一D人冇咩( )，但又唔聽人講野，又自覺有( )，又

自大，又唔係幾努力。後者真係幾麻煩，一般情況，我處理的方式係，我會用行動話比你聽我比強幾多。不過今次呢個人，真係...

唉！最麻煩的係佢係我......，真係頂。又要成日發脾氣先死......

越來越唔想寫這個網誌，因為越耐冇寫，一到寫的時候就越唔想寫。就有更多的籍口去叫我唔好寫。哈！懶就懶啦你今多籍口！

番左一個學期，都算見識多左啦，不過就番學黎講，這裡就真係…哈…哈…哈。可能真係因為大專係似大學，而唔同中、小學掛。

而加考緊試，今日考左會計，應該會合格。我對這科真的冇興趣，殺左我好過。不過我一定要讀好這科，當係一個考驗啦，我唔信今易可以打低我。

「生活模式」有些小唔同左，都差唔多一年啦，的確多左好多從未有過的開心。但亦都多左好多壓力、唔開心、同疑問。哈，可能都係我的問題掛。

人大左聰明左、閱歷多左，想的野自然多左。一些好想知的問題，都想到了答案，但有答案又點？答案為我帶黎的是前所未有的恐懼、自已的渺小和冇知。

幻想緊一個飯局，我想請的人有三個（自已想下估三個啦）我會叫這個就「瘋子飯局」。這三個人只有其中一個會上黎這裡的。飯局的目的係聚舊同討論。討論的內容係咩好？哲學都唔錯。

各位終於放左榜了，無論成績如何都要繼續努力。

我十一分入左ive讀四年制人力資源管理二年級。總算有出路和方向了。

向大家報告下我的成績啦。

中文level3閱讀level5*寫作level2聆聽level5口試level3綜合level2

英文level3reading level3writing level3listening level2spaeking level3

地理level e

經濟 level e

生物 level d

數學 level d

CIT level d Theory level d coursework level c

無論考成點都唔可以改變的了。哈，可能這些就是我的「能力和負出」之後所應得的呢。哈哈

點都好啦，各位都要繼續努力，有什麼需要我幫忙或可以用得著我的地方不論比意見也好陪伴找學校也好需要我的話也可以出聲。我

幫倒手的，我一定幫。

雖然大家各散東西，但大家的友誼也會一直保持著的。

加油呀各位！！！

ps:可以的話可否把自已的出路和方向留言給我吧。THX