我lum左好耐好耐..個topic都唔知打咩好..
只可以同大家講..
哩個post係俾一d同另一半分開左,散左,
但仍然決定等佢,
想同佢復合既朋友互相支持嫁!
向來男女感情都係"旁觀者清,當局者迷"
當你同她/他分左手之後,
朋友們親友們都大多數同你講:哩d咁既人要唔要都罷啦!
朋友們親友們都大多數同你講:前面仲有個更愛你既人等緊你!
朋友們親友們都大多數同你講:唔洗為左一棵樹而放棄成個森林!
朋友們親友們都大多數同你講:如果佢真係愛你,就唔會咁對你啦!
朋友們親友們都大多數同你講:就算佢返黎,你敢保證佢唔會再好似以前咁咩?!
下刪一千字...........
的確..以上既說話好熟悉,
唔知邊個曾經係我同你失去摯愛同最失意既時候,
向你講出你唔會想聽既說話
朋友、親友既一大堆一大堆安慰既道理..
其實我地一早已經明白,
只係我地自己呃自己
真正去忘記一個人有邊個可以真正做到?!
哩個世界冇野冇可能嫁!
奇跡可能好少,但我地絕對有權去爭取
未試過又點知?!
就算試過都冇悔..
等,旁人的確覺得好傻!
但,決定權係自已身上
你既然決定左,
點解要格硬令自己忘記佢?!
咁樣唔係盞自己仲辛苦咩?!
總之要抱住一個心態!
等還等,但一定要做好自己,
你先有資格愛人,
人地至會去愛你=]
當然,係你等既同時,如果有理想對象出現,
梗係要俾個機會自己啦!
記住,哩個世界唔係淨得你一個嫁!!!!^_^
|
