唔知點解而家覺得身邊既朋友都變哂,唔知係未自己諗得多呢,我覺得D朋友好似無左我地初初個種天真既性格.初初識你地個陣覺得你地好好玩,係拿個心出來做朋友的,但當我嚮其他人口中聽到你地講我壞話時,我就會諗你地有無當我係朋友.我記得有一個朋友問過我:[你究竟知唔知邊D先係你既朋友,個D人你當佢地係朋友,佢地當你係咩呀,我知你一定唔想聽我嚮你面前講佢地壞話.]我個陣就諗:[你知我唔想聽你就唔好講啦.]根住我就同佢講:[同得我玩既,我都當佢係朋友.]但你當人地係朋友,人地唔知係未當你係朋友呢.可能只係表面對你好,心裡就憎死你.<唔知我D朋友係未甘呢,一定唔係啦.><其實自己有無變到,自己係唔知的.係別人先知的.>可能時間既轉變,令到大家變左,但唯一不變就係大家都有當大家係朋友.朋友可以有好多個,但真心既朋友又可以有幾多個呢.

P.S:雖然朋友係可以有好多個,但我有你地幾個已經足夠[玲,甩,叮,寶,豬,冰,娜.]希望我地會係一生一世既好朋友.到時請多多指教啦.