有一日，有個鄉下佬出城黎香港搵佢女朋友同佢屋企人食飯啵，咁佢女朋友就雙係屋企等佢啦．．∼佢行左咁耐，出左好多汗，ｄ衛生紙巾就用晒喇啵，咁佢見前面有間士多，咁就走左入去．佢見到一包【衛生巾】，上面寫住吸水力特強，咁佢又唔知個ｄ叫【ｍ巾】就以為係衛生紙巾，佢見自己咁多汗就買左個包【衛生巾】．．買完之後．佢坐地鐵去佢女朋友屋企啵，佢坐左落一個女人隔離．．佢見出左咁多汗，咁就試下個包【衛生巾】好唔好用喇．一拆開，佢就諗，香港人咁衛生既？衛生紙巾都有獨立包裝．佢就繼續拆開個細既袋．用黎抹汗，佢心諗呢隻衛生紙巾又真係吸水力特強啵．．．咁就繼續抹．之後佢發現左撕左張紙仲可以貼住架啵，佢就走去貼左係個額頭到喇．成卡既人刀望住佢．偷偷笑佢．佢就以為自己好【ｉｎ】，好自豪．所以自己係咁笑．．．幾經辛苦．終於去到佢女朋友屋企，同世伯伯有打完招呼就坐低食飯喇．．佢食食下飯見自己滿頭大汗．．所以又拎左一小包獨立包裝既衛生紙巾出黎係到抹，世伯伯有見到好尷尬．佢女朋友就好細聲咁問佢：「你做咩拎【衛生巾】出黎抹汗呀？」，佢仲未知咩事就好大聲咁講：「香港ｄ衛生紙巾又真係好好用喎，仲可以痴係個額頭到唔洗拎住咁方便既．．仲要獨立包裝喎．．香港真係港究衛生喇！」佢女朋友同世伯伯有聽完之後暈低左．．．佢仲未知咩事，繼續貼住塊衛生巾落個額頭到，一路食飯．．．．（完）