近排都比較忙碌，所以打日記既時間都唔喺好夠。

今日冇咩特別既主題，所以題目都只喺用咗今日日期。

今日6點半鬧鐘響咗，但喺我起身既時間喺8點正。哈哈，慢慢嚟啦，反正九點正先要返學校步操。

估唔到我哋男童軍唔單止喺3個鐘頭內學識咗saluting，仲可以喺marching果陣salute得咁齊，實在有好大好大既進步。

之後去咗五十嵐吃lunch，同一對母女搭枱坐，食完之後漏低咗個水樽，好彩有個醒目既侍應追出嚟攞俾我，真喺唔該哂啊！

返到屋企開始做Math同AMath既功課，做到4點鐘，同吳嘉榮一齊狂做MI題目。

諗起Miss唐既幾句說話︰
「今次Quiz好多同學都話唔夠時間，但喺有同學可以做哂之餘，仲有時間剩喎。」
「做MI喺唔需要諗既，做得熟既話喺可以默出嚟。」
「你哋試下去問啲Form6既同學，佢哋真喺五分鐘做完一題。」
「返屋企做哂成課MI既練習題，做完一次都未夠，仲要重做多幾次。」

所以，我先會同吳嘉榮一齊瘋狂地做MI題目，只可惜我哋1個鐘只可以做到5-6題，平均要10-12分鐘先做到一題。

可惡！要5分鐘做完一題家嘛，呢個速度太慢啦！

我哋好唔甘心，於是想盡辦法提高自己既速度，至於喺咩辦法，當然唔可以向外公佈啦。

做到6點半鐘，去煮飯食。阿爸、阿媽唔喺屋企，阿哥又唔出嚟食飯，搞到好似自己煮俾自己食咁。

一陣仲要做phy同中文作文，就打到呢度啦！